سۇيىكتىسىنىڭ جىنىس مۇشەسىن كەسىپ تاستاعان استانالىق ايەل قاماۋعا الىندى

«بۇل فاكتى بويىنشا، 24 - قاڭتار كۇنى اۋداندىق سوت ەكى ايعا قاماۋعا الۋ تۇرىندەگى بۇلتارتپاۋ شاراسىن سانكسيالاعانىن عانا ايتا الامىز. قالعان مالىمەتتەردى تەرگەۋ مۇددەسىنە وراي جاريالاي المايمىز»، - دەپ جاۋاپ بەردى قالالىق سوتتىڭ باسپا ءسوز قىزمەتى الەۋمەتتىك جەلىدە قىزۋ تالقىعا سالىنعان وقيعا تۋرالى اگەنتتىك ساۋالىنا.

 بۇعان دەيىن جەلىدە استانا قالاسى ەسىل اۋداندىق №2 سوتىنىڭ 2018 -جىلعى 24 - قاڭتارداعى قاۋلىسى تۇسىرىلگەن فوتو پايدا بولدى. ونداعى دەرەكتەرگە سايكەس، سۇيىكتىسىنەن وزگە قىزبەن كوڭىل قوستى دەپ كۇدىكتەنگەن 1981 -جىلى تۋعان ايەل، ونى ينتيمدىك ويىن ويناۋعا شاقىرىپ، اياق- قولىن بايلاعان. كەيىن ءدارى بەرگەن. الدىن الا بولجام بويىنشا، ۇيىقتاتاتىن پرەپارات. سودان سوڭ بار وكپە- نازىن ايتىپ، ەر ادامنىڭ جىنىستىق مۇشەسىنە تىلىكتەر جاساي باستاعان. «جازالاۋ» بارىسىندا سۇيىكتىسىنىڭ ازابىن جەڭىلدەتۋ ءۇشىن ايەل ونىڭ شابىنا 3 رەت لەدوكوين ەككەن. كەيىن قانسىراعان ەر ادامدى ءوز كولىگىمەن اۋرۋحاناعا الىپ بارعان.

استانا قالالىق سوتىنىڭ باسپا ءسوز قىزمەتى جەلىگە تاراپ كەتكەن قۇجاتتىڭ راس- وتىرىگىن ايتا المادى.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى