تۇمەندە وزەننىڭ ءتۇسى القىزىل تۇسكە بويالدى
بۇل تۋرالى Baq.kz اقپارات اگەنتتىگى Lenta.ru سايتىنا سىلتەمە جاساپ.
سۋدىڭ القىزىل تۇسكە بويالۋىنا حيميالىق زاتتار اسەر ەتۋى مۇمكىن. جەرگىلىكتى تۇرعىنداردىڭ ايتۋىنشا، بۇل ماسەلەگە ەشكىم قىزىعۋشىلىق تانىتپاعان. تۇرعىندار قاجەتتى ورگانداردان بولعان جاعداي تۋرالى سۇراستىردى، ءبىراق ولار ءالى جاۋاپ بەرمەدى.
«زەرتتەۋ جۇرگىزۋ ءۇشىن وزەننىڭ سۋىن دا العان جوق. بۇل وتە ماڭىزدى بولۋى مۇمكىن» ، - دەدى الەۋمەتتىك جەلى قولدانۋشىسى ماريا پاراشچەنكو.
پىكىر بىلدىرگەن باسقا قولدانۋشىلاردىڭ ايتۋىنشا، لاستانعان سۋ مولچانكادان تۋرا وزەنىنە قاراي اعادى، سوندىقتان بۇل سۋدى تۇمەندىكتەر دە ءىشۋى مۇمكىن.
2016 -جىلدىڭ قىركۇيەك ايىندا نوريلسك ونەركاسىپتىك ايماعىنداعى دالدىكان وزەنى دە القىزىل تۇسكە بويالعان. سۋدىڭ تۇسىنە تەمىر تۇزدارى اسەر ەتكەن بولاتىن. «نورنيكەلدىڭ» ءتۇسىندىرۋى بويىنشا، بۇل انومالدى جاڭبىرعا بايلانىستى بولعان.
