قازاقستان ارقىلى وتەتىن جۇكتەر قاي جەردە ۇزاق بوگەلەدى

دەپ حابارلايدى قازاقپارات ءتىلشىسى.

«قازاقستان تەمىر جولى» الدىنا ۇلكەن مىندەت قويىلىپ وتىر. 2020 -جىلعا دەيىن كونتەينەرلىك تاسىمالدى 2 ميلليونعا دەيىن جەتكىزۋ كەرەك. بۇل - وتە ۇلكەن كورسەتكىش. ەستەرىڭىزدە بولسا، 2011 -جىلدا قىتاي- ەۋروپا باعىتىندا كونتەينەرلىك تاسىمالدىڭ كولەمى شامامەن 1 مىڭ دانا بولدى. بيىل ءبىز اتالعان كورسەتكىشتى 400 مىڭعا جەتكىزەمىز دەپ وتىرمىز»، - دەدى ا. مامين وتاندىق كولىك- لوگيستيكا كەشەنىن دامىتۋ ماسەلەلەرىنە ارنالعان رەسپۋبليكالىق كەڭەستە.

وسى ورايدا ۇكىمەت باسشىسىنىڭ ورىنباسارى ورتاق مارشرۋتتا جاتقان ارىپتەس- مەملەكەتتەردىڭ كونتەينەرلەردى قانشالىقتى جىلدام وتكىزىپ جاتقانىن سۇرادى. سەبەبى وتكەن جىلى پولشا جەرىندە ءبىراز كىدىرىس بايقالعان.

«قازاقستان تەمىر جولى» ۇلتتىق كومپانياسىنىڭ باسشىسى قانات الپىسبايەۆتىڭ ايتۋىنشا، كونتەينەرلەردى بەلارۋس جانە پولشا ارقىلى وتكىزۋ كەزىندە ءبىرقاتار ماسەلەلەر بار.

«وسىعان بايلانىستى بىرىككەن كولىك- لوگيستيكا كومپانياسى ەكى ەلدىڭ اراسىندا قوسىمشا شەكارا بەكەتتەرى بويىنشا جۇمىس جاساپ جاتىر. بۇدان بولەك، بالتىق جاعالۋىنىڭ ينفراقۇرىلىمىن، ناقتى ايتساق، كالينينگراد، كلايپەدا، ريگا سياقتى قالالاردىڭ پورتتارىن پايدالانىپ، قازىرگى مارشرۋتتاردى ءارتاراپتاندىرۋ ماسەلەسى قارالىپ جاتىر»، - دەيدى ق. الپىسبايەۆ.

اسقار مامين تۇركىمەنستان مەن يران اراسىنداعى وتكىزۋ بەكەتىن دە ەسكە الدى. «سول جەردە كونتەينەرلەر تاسىمالى بوگەلەتىن. قازىر جاعداي قالاي بولىپ جاتىر؟»، - دەپ سۇرادى ول. «ق ت ج» باسشىسىنىڭ سوزىنە قاراعاندا، يراننىڭ گورگان قالاسىندا قازاقستاننىڭ جەكە تەرمينالىن سالۋ قاجەت. سوندا جۇك تاسىمالىن ەشبىر قيىندىقسىز جۇرگىزۋگە بولادى.

«سوسىن وتكەن جىلى گرۋزيا مەن تۇركيا اراسىندا وتكىزۋ بەكەتى اشىلعان بولاتىن. بىلۋىمىزشە، ول جەردە دە ءبىرقاتار قيىندىقتار بار دەپ ەستىدىك. سەبەبى ءبىر مەملەكەتتەن ەكىنشى مەملەكەتكە كىرگەندە تەمىر جولدىڭ ەنى وزگەرەدى. سوندا تاباندى اۋىستىرۋعا كەلگەندە گرۋزين جاعىنىڭ تاجىريبەسى ازداۋ كورىنەدى. ارىپتەستەرىمىزگە كومەكتەسەتىن شىعارمىز. بالكىم، بىرلەسكەن كومپانيانى قۇرىپ، سول جەردەگى جۇمىستى جىلدام ۇيىمداستىرامىز با، قايتەمىز؟»، - دەدى ا. مامين.

«ق ت ج» باسشىسى قانات الپىسبايەۆتىڭ ايتۋىنشا، اتالعان ماسەلە ءتيىستى مەكەمەلەردىڭ دەڭگەيىندە تالقىلاندى. ەكى ءتۇرلى جولدىڭ تۇيىسكەن جەرىنە ماماندار دا بارىپ قايتتى.

«ءبىز ءوز تاراپىمىزدان اتالعان بەكەتتى «قازاقستان تەمىر جولى» كومپانياسىنىڭ باسقارۋىنا بەرۋ تۋرالى ۇسىنىستى بەردىك. سەبەبى، شىنىمەن دە، ارىپتەستەرىمىزدىڭ تاباندى اۋىستىرۋ سالاسىندا تاجىريبەسى ازداۋ بولىپ تۇر. مەنىڭشە، ءبىرىنشى توقساننىڭ اياعىنا دەيىن بارلىق ماسەلەلەردى پىسىقتايتىن بولامىز»، - دەپ اتاپ كورسەتتى ق. الپىسبايەۆ.

اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى