قازاقستاندا كورشىلەرگە العىس ايتۋ اكسياسى وتەدى
بۇگىن الماتىداعى دوستىق ۇيىندە ەلىمىزدىڭ ەتنو-مادەني ورتالىق جەتەكشىلەرى مەن قوعامدىق بىرلەستىك وكىلدەرىنىڭ قاتىسۋىمەن وتكەن القالى جيىندا ق ح ا ءتوراعاسىنىڭ ورىنباسارى - ق ر پرەزيدەنتى اكىمشىلىگى ق ح ا حاتشىلىعىنىڭ مەڭگەرۋشىسى دارحان مىڭباي 1- ناۋرىزدان باستاپ، «قايىرىمدى كورشىگە راحمەت» اكسياسى باستالاتىنىن جەتكىزدى.
ايتا كەتەيىك، جيىن ەلباسى نۇرسۇلتان نازاربايەۆتىڭ ء«تورتىنشى ونەركاسىپتىك ريەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى قازاقستان حالقىنا جولداۋىن تالقىلاۋعا ارنالدى.
«2018-جىلى 1- ناۋرىز، «العىس ايتۋ» كۇنى اياسىندا ەلىمىزدە العاش رەت «قايىرىمدى كورشىگە راحمەت» اكتسياسى ءوز جۇمىسىن باستايدى. بۇل - بىرگە ءومىر ءسۇرىپ جاتقان قاۋىمداستىقتار مەن ءتۇرلى ەتنوستاردىڭ بىرلىگىن نىعايتاتىن تاعى ءبىر يگى باستاما. اكسيا اسىندا كورشى ۇيلەر، اۋىلدار مەن اۋدانداردا تۇراتىن حالىقتاردىڭ كەزدەسۋىن ۇيىمداستىرۋعا بولادى. وندا ءبىر بىرىنە العىس ايتىپ، ەسكى وكپە- رەنىش بولسا كەشىرىم سۇراۋعا بولادى. سونىمەن قاتار، كورشى ورنالاسقان مەكەمە ۇجىمدارىندا وسى شاراعا تارتۋعا بولادى»، - دەيدى دارحان مىڭباي.
ق ح ا ءتوراعاسىنىڭ ورىنباسارى ەتنو-مادەني ورتالىق باسشىلارىن وسى شارالاردىڭ باستى ۇيىمداستىرۋشىسى بولۋعاشاقىردى.
«ەتنو-مادەنيورتالىقتار اكسيانى وتكىزۋدە ۇلگى كورسەتۋى كەرەك. سوندىقتان، رەسپۋبليكالىق، وڭىرلىك شارالاردى ۇيىمداستىرۋ قاجەت. كورشىگە، قايىرىمدىلىق كورسەتۋ، مەيرىمدىلىك تانىتۋ بارلىق دىندە بار»، - دەدى ول.
سونىمەن قاتار، دارحان مىڭباي 1- ناۋرىزدان باستاپ، ق ح ا- نىڭ اقپارتتىق جوبالارى تانىستىرىلاتىنىن ايتتى. ونىڭ ايتۋىنشا، 1- ناۋرىزدا اسسامبلەيانىڭ مۋلتيمەديالىق پورتالى مەن قازاقستان حالقىنىڭ ينتەراكتيۆتى تاقتاسى حالىق يگىلىگىنە ۇسىنىلماق.
