گولوۆكين مەن الۆارەس تاعى دا تەڭ تۇسەدى - باقتيار ارتايەۆ

«شىنى كەرەك، ەكىنشى جەكپە-جەككە دە وبەكتيۆتى تۇرعىدا قاراۋ قاجەت قوي. الداعى ريەۆانش تاعى دا تەڭ اياقتالاتىن سياقتى. «نەگە؟» دەگەن سۇراققا جاۋاپ بەرمەي-اق قويايىن، ءبىراق بۇل - مەنىڭ جەكە ويىم، بولجامىم، كوزقاراسىم. جەكپە-جەك سولاي اياقتالادى»، - دەدى ب. ارتايەۆ قازاقپارات تىلشىسىنە بەرگەن سۇحباتىندا.

ونىڭ ويىنشا، ريەۆانشتىڭ شەشىمى وتەتىن جەرىنە بايلانىستى ەمەس. ەكىنشى جەكپە-جەك لاس-ۆەگاستا وتە مە، نيۋ-يوركتە ۇيىمداستىرىلا ما، ءبارىبىر بوكسشىلار تەڭ تۇسەدى. وسىدان كەيىن ولار ءۇشىنشى جەكپە-جەكتى وتكىزبەۋى دە ابدەن مۇمكىن.

«وسى جولعى كەلىسىمشارتتا ريەۆانش تۋرالى ەشتەڭە جازىلماعان. نەگىزى، ەكەۋى دە ءوز اتاقتارىن ساقتاپ قالسا، ۇلكەن ابىروي عوي. سوندىقتان ءۇشىنشى جەكپە-جەك وتپەۋى دە مۇمكىن. ريەۆانشتا نوكاۋت بولمايدى. ويتكەنى ەكەۋى دە مىقتى بوكسشى. كەلەسى جەكپە-جەك لاس-ۆەگاستا بولاتىن شىعار. سەبەبى ول جاقتا حالىق كوپ جينالادى. ۇلكەن شارالار ءجيى ۇيىمداستىرىلادى»، - دەپ اتاپ كورسەتتى ب. ارتايەۆ.

ايتا كەتەيىك، بۇگىن گولوۆكين مەن الۆارەس ريەۆانشتىڭ وتەتىنىن رەسمي تۇردە جاريالادى. ال ولاردىڭ پروموۋتەرلەرى قارىمتا جەكپە-جەكتى وتەتىن جەرى مەن ودان تۇسەتىن تابىسقا بولجام جاسادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى