ماعجان جۇمابايەۆتىڭ مەرەيتويى انكارادا اتالىپ وتەدى
س ق و اكىمى باسپا ءسوز قىزمەتىنىڭ مالىمدەۋىنشە، مەرەيتويدى اتاپ ءوتۋدىڭ تۇجىرىمداماسى دايىندالعان جانە 250 دەن استام ءىس-شارالار رەتى جوسپارلانعان.
وبلىس اكىمى مەن تۇرىكسوي اراسىنداعى كەلىسىمگە سايكەس، مەرەيتويلىق شارالار، اتالعان حالىقارالىق ۇيىمعا كىرەتىن بارلىق ەلدە وتەتىن بولادى.
«اقپاندا تۇرىكسوي تۋىنىڭ استىندا «ماعجان جۇمابايەۆ جىلى» اياسىندا تۇركيانىڭ كاستامونۋ جانە انكارا قالالارىندا مادەني ءىس-شارالار وتپەك. وعان س ق و دەلەگاتسياسى قاتىسادى»، - دەدى وبلىس اكىمىنىڭ باسپا ءسوز حاتشىسى تيمۋر ابدىرەش.
وڭىردە «ماعجان كوكتەمى» اتتى ءتورتىنشى رەسپۋبليكالىق فەستيۆال، عىلىمي- پراكتيكالىق كونفەرەنسيا، رەسپۋبليكالىق ماعجان وقۋلارى جانە باسقا دا شارالار وتپەك. مەرەيتويلىق مەدالدار مەن مونەتالار سونداي-اق اقىننىڭ شىعارمالار جيناعىن باسىپ شىعارۋ جوسپارلانعان.
