بايقوڭىردى جالعا بەرۋدەن قازاقستان قانشا اقشا تاپتى
ساۋالدا دەپۋتاتتار اقاي مەن تورەتام قالالارىنىڭ دامۋ كەلەشەگىنە، سونىمەن قاتار قازاقستاندىق جانە رەسەيلىك ازاماتتاردىڭ ەڭبەكاقى شارتتارىنىڭ تەڭ قۇقىقتىلىعىنا الاڭداۋشىلىق ءبىلدىردى.
اقاي مەن تورەتام قالالارىنىڭ دامۋىنا قاتىستى پرەمەر- مينيستر اتالمىش شاھارلاردا الەۋمەتتىك نىساندار مەن جولدار، سۋ جۇيەلەرى جوندەلىپ، جاڭادان سالىناتىنىن حابارلادى.
سونىمەن قاتار، قارماقشى اۋدانىندا «بايقوڭىر» ويىن- ساۋىق، تۋريستىك اۋماعىن قۇرۋ بويىنشا جوبانى جۇزەگە اسىرۋ كوزدەلگەن. بۇل جوبا كەلەشەكتە مىڭداعان جاڭا جۇمىس ورنىن اشادى دەپ كۇتىلۋدە.
ۇكىمەت باسشىسى تەڭقۇقىقتى ەڭبەك شارتتارى تۋرالى جاۋاپ بەرە كەلە، بايقوڭىردىڭ 1995 -جىلعى مارتەبەسى تۋرالى كەلىسىمدى ەسكە سالدى. وعان سايكەس، قالا تۇرعىندارىن ساياسي نانىمىنا، ءناسىل مەن ۇلتىنا، الەۋمەتتىك شىعۋ تەگى، جىنىسى، الەۋمەتتىك جانە مۇلىكتىك حال- جاعدايىنا، ءتىلى مەن دىنىنە قاتىستى شەكتەۋ قويۋعا جول بەرىلمەيدى.
ال ەكى ەلدىڭ 2004 -جىلعى بەكىتىلگەن كەلىسىمى بويىنشا، قازاقستاندىق جانە رەسەيلىك ماماندار، ۇيىمدار «بايقوڭىر» ايلاعىنداعى بىرلەسكەن جوبالاردى جۇزەگە اسىرۋدا تەڭ شارتتار نەگىزىندە قاتىسادى. بۇعان قوسا رەسەيلىك تاراپپەن قارجىلاندىرىلاتىن مەكەمەلەردە ەڭبەك ەتەتىن بايقوڭىر قالاسىنىڭ تۇرعىنى ازاماتتىعىنا قاراماستان رەسەيدىڭ زاڭناماسىنا سايكەس ايلىق الادى.
قازاقستان ازاماتتارى جىبەرىلمەيتىن، رەسەيدىڭ مەملەكەتتىك قۇپيالارىمەن بايلانىستى جۇمىس تۇرلەرىندە عانا وزگەشەلىك بار.
«قازاقستان ازاماتتارىنىڭ «بايقوڭىر» كەشەنىندە ەڭبەك قۇقىقتارىنا شەكتەۋ قويۋ جاعدايى بايقالمايدى (...) سونىمەن بىرگە، «بايقوڭىر» كەشەنىندە مۇددەلەردىڭ زاڭدىلىعى مەن قۇقىعىن قورعاۋ ءۇشىن سول قالادا تۇراتىن قازاقستان ازاماتتارىنىڭ وتىنىمدەرىمەن اينالىساتىن ق ر پرەزيدەنتىنىڭ ارنايى وكىلى جۇمىس ىستەيدى»، - دەلىنگەن جاۋاپتا.
اۆتور: ايان بەكەن ۇلى
