الماتى زووباعىنداعى ساحارادان كەلگەن جانۋارلار ايازدا قالاي ءومىر ءسۇرىپ جاتىر

ۇسكىرىك ايازعا افريكادان اكەلىنگەن جىلۋ سۇيەتىن جانۋارلار پىلدەر، كەرىكتەر، زەبرالار، مايمىلدار مەن كازۋارلار توتەپ بەرە الماي جاتىر.

«ايازدىڭ كەسىرىنەن ەكزوتيكالىق جانۋارلاردىڭ قىسقى ۇيلەرىندە اۋا تەمپەراتۋراسى تومەندەپ كەتتى. ۇلكەن تەرريتوريانى ءتۇرلى جىلىتقىشتارمەن جىلىتۋ مۇمكىن بولمادى. قالانىڭ اكىمدىگىنەن كومەك سۇرادىق. ماماندار تەز ارادا جەتىپ، ەش بيۋروكراتياسىز زووباقتاعى جىلۋ جەلىلەرىندەگى قىسىمدى كوتەرىپ بەردى، قاجەتتى تەمپەراتۋرا جاسالدى. بۇل قالا اكىمشىلىگى مەن كوممۋنالدى قىزمەتتەرىنىڭ موبيلدى جانە ءتيىمدى جۇمىسىن كورسەتەدى»، - دەدى الماتى زووباعىنىڭ ديرەكتورى ەرجان ەركىنبايەۆ.

ايتا كەتۋ كەرەك، الماتىدا وتكەن جۇمادان بەرى اۋا تەمپەراتۋراسى قاتتى تومەندەپ كەتتى.

سارشۇناق ايازدىڭ كەسىرىنەن قالادا «تاۋگۇل» اۋدانى جىلۋسىز، ىستىق سۋسىز قالدى.

سونىمەن قاتار، كەشە ساين- شالياپين كوشەلەرىنىڭ قيىلىسىنداعى ىستىق سۋ قۇبىرى دا ايازدان جارىلىپ كەتىپ، بىرنەشە تۇرعىن ءۇي سۋسىز قالعان بولاتىن.

سارشۇناق ايازدىڭ كەسىرىنەن قالا مەكتەپتەرىندە 1-9 - سىنىپ وقۋشىلارىنا ساباق توقتاتىلدى.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى