ا ق ش- تىڭ كونسالتينگتى كومپانياسى: قازاقستان دامىپ كەلە جاتىر

«قازاقپارات» ح ا ا تىلشىسىمەن اڭگىمەلەسكەن امەريكالىق «Elizarov Consulting Group» كونسالتينگتى كومپانياسىنىڭ باسشىسى ياكوۆ ەليزاروۆ وسىلاي دەپ پايىمدايدى، دەپ حابارلايدى «قازاقپارات» ح ا ا ءتىلشىسى.

«قازاقستانمەن بىرلەسە بىرنەشە جىل جۇمىس جۇرگىزىپ، امەريكالىق سەرىكتەستەرمەن بايلانىس ورناتىپ كەلە جاتقان كومپانيانىڭ وكىلى رەتىندە قازاقستاندىق- امەريكالىق قارىم- قاتىناس دۇرىس باعىتتا ءارى ونىڭ الەۋەتى زور ەكەنىن ۇلكەن سەنىممەن ايتا الامىن. وقۋ مەن ىنتىماقتاستىقتىڭ ارقاسىندا ادام كاپيتالىن ارتتىرۋ ءۇشىن ءبىزدىڭ ادامداردى جۇمىلدىرۋ باعىتىندا قوسىمشا كۇش سالۋ كەرەك»، - دەيدى ول.

مۇناي سالاسىنداعى ءداستۇرلى ىنتىماقتاستىق تۋرالى ايتا كەلە يا. ەليزاروۆ ءوز سوزىندە قازاقستان ەكونوميكاسىن ءارتاراپتاندىرۋ مەن ونەركاسىپتىك كومپانيالاردى تارتۋ ارقىلى ايماقتا ءوزىن كوشباسشى قاتارىنان بايقاتاتىنىن تىلگە تيەك ەتتى.

«قازاقستاننىڭ دامۋ بولاشاعى جايلى ن. نازاربايەۆتىڭ كوزقاراسى شىندىققا اينالىپ، پرەزيدەنتتىڭ ا ق ش باسشىسى دونالد ترامپپەن كەزدەسۋى ەكى ەلدىڭ قارىم- قاتىناسىنىڭ ماڭىزدىلىعىن دالەلدەي ءتۇستى»، - دەيدى ول.

امەريكالىق كاسىپكەر ءوزىنىڭ كورشىلەرىنە قاراعاندا حالىقتىڭ از بولعانىنا جانە توقسانىنشى جىلدارداعى ەل ەكونوميكاسىنداعى قيىندىقتارعا قاراماستان، قازاقستان نارىقتىق ەكونوميكاعا كوشۋ مەن شەتەلدىك ينۆەستيتسيالاردى تارتۋ باعىتىندا ءساتتى قادامداردى جاساعانىن ايتادى.

«بۇل قادامدار قازاقستانعا بىرەگەي ۇستانىمداردى تارتۋ ەتتى. قازاقستان ىنتىماقتاستارىمەن قارىم- قاتىناستى كۇشەيتە وتىرىپ، ەسەپتەستىرە بىلەتىن كۇشكە اينالىپ كەلەدى»، - دەيدى يا. ەليزاروۆ.

ەسكە سالا كەتسەك، پرەزيدەنت نۇرسۇلتان نازاربايەۆتىڭ ا ق ش- قا رەسمي ساپارى بارىسىندا امەريكالىق DTN كونسالتينگتى كومپانياسى «Kazakh Invest» ا ق- پەن ىنتىماقتاستىق تۋرالى كەلىسىمگە قول قويعان بولاتىن.

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى