ماڭعىستاۋلىق ۇشا الماي قالعان اققۋدى قۇتقارىپ قالدى

  بۇل تۋرالى ق ر  ا ش م ورمان شارۋاشىلىعى جانە جانۋارلار دۇنيەسى كوميتەتىنىڭ باسپا ءسوز حاتشىسى ساكەن دىلداحمەت فەيسبۋكتەگى پاراقشاسىندا جازدى، دەپ حابارلايدى قازاقپارات.

«2018 -جىلعى 28 - قاڭتاردا ماڭعىستاۋ وبلىسى اقشۇقىر سەلوسى باعىتىنداعى اقتاۋ- ايەروپورت تاس جولى ماڭىنداعى جەكە شارۋاشىلىقتىڭ شوپانى قۇرالبەك ابدىكارىموۆ ۇشا الماي قالعان اققۋدى تاۋىپ الىپ، ۇيىندە ۇستاپ وتىرعاندىعى تۋرالى ماڭعىستاۋ وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنا حابار بەرگەن. ينسپەكسيا قىزمەتكەرلەرى دەرەۋ كورسەتىلگەن مەكەنجايعا بارىپ، اققۋعا بارلىق كومەك كورسەتىلدى»، - دەپ جازادى ساكەن دىلداحمەت.

قۇرالبەك ابدىكارىموۆتىڭ ايتۋى بويىنشا، اققۋ ءۇيدىڭ ماڭىنا كەلىپ، ۇشپاي جۇرگەن.

«اققۋدى ءۇي ماڭىنداعى يتتەردەن قورعاۋ ماقساتىندا ۇيگە كىرگىزىپ، نان بەرىپ، سوسىن قۇزىرلى ورگاندارعا حابارلاسقان. ينسپەكسيا قىزمەتكەرلەرى اققۋدى تولىق تەكسەرىپ شىقتى. اققۋ جاراقات الماعان. ءبىراز السىرەگەنى بايقالدى»، - دەيدى ساكەن دىلداحمەت.

ينسپەكتسيا قىزمەتكەرلەرى اققۋدى اقتاۋ قالاسى ماڭىنداعى «قاراقيا- قاراكول» قاۋمالىنداعى قاراكول كولىنە جىبەردى. بۇل كولدە قازىرگى تاڭدا 300-گە جۋىق اققۋ مەكەندەيدى.

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى