ەردوعان ا ق ش- تى مانبيدجداعى اسكەرىن اكەتۋگە شاقىردى
بۇعان دەيىن تۇركيالىق اسكەريلەر مەن داماسكىدەگى بيلىككە وپپوزيتسياداعى سيريالىق توپتار سيريانىڭ سولتۇستىگىندە كۇردتەرگە قارسى جۇرگىزىپ جاتقان «ءزايتۇن بۇتاعى» وپەراتسياسى بارىسىندا ەردوعان مانبيدج قالاسىن باقىلاۋعا الۋ قاجەتتىگى تۋرالى بىرنەشە رەت ايتقان.
انكارانىڭ مالىمدەمەسىندە سونىمەن بىرگە ا ق ش پرەزيدەنتىنىڭ ۇلتتىق قاۋىپسىزدىك جونىندەگى كەڭەسشىسى گەربەرت ماكماستەردىڭ تۇركيا وكىلىمەن بولعان تەلەفون اڭگىمەسى كەزىندە «ا ق ش بۇدان كەيىن سيريالىق كۇردتەرگە قارۋ- جاراق بەرمەيتىنى» تۋرالى مالىمدەگەنى ايتىلعان.
ۆاشينگتون ازىرشە بۇل حابارلارعا قاتىستى پىكىر بىلدىرگەن جوق.
تۇركيا وتكەن اپتادا كەيبىر كۇرد ۇيىمدارىن تەررورلىق ءىس- ارەكەتتەرگە ايىپتاپ، سيريانىڭ سولتۇستىگىندە «ءزايتۇن بۇتاعى» وپەراتسياسىن باستاعان. ا ق ش «يسلام مەملەكەتى» ەكسترەميستىك توبىنا قارسى كۇرەستە سيريالىق كۇردتەرمەن وداقتاسىپ وتىر. كۇردتەر باقىلايتىن تەرريتوريادا ا ق ش- تىڭ بىرنەشە ءجۇز ساربازى ورنالاسقان. ۆاشينگتون بۇعان دەيىن بىرنەشە رەت انكارانى سيريانىڭ سولتۇستىگىندەگى ءىس- قيمىلدارىنا بايلانىستى «سابىرلى بولۋعا» شاقىرعان.
www.azattyq.org
