شىعىس قازاقستاندا مەديتسينالىق تەحنيكتەردى دايىنداۋدى قولعا الدى
قازىر سول وڭىردەگى جوعارعى وقۋ ورنىنىڭ بىرىندە تۇڭعىش ءبىلىم باعدارلاماسى ازىرلەنىپ جاتىر. شىعىس قازاقستاندا وتاندىق ساندىق مەديتسينا دامىپ كەلەدى. روبوتوتەحنيكا جاھاننىڭ ۇزدىك قۇرىلعىلارى وڭىردەگى ەمدەۋ مەكەمەلەرىن تولىقتىرىپ جاتىر. ولاردان اقاۋ شىقسا، جۇمىس تا تۇرالاۋى مۇمكىن. وسى ورايدا وبلىستاعى تەحنيكالىق ۋنيۆەرسيتەت ماماندارى « IT مەديكتەردى» دايىنداۋعا كىرىسپەكشى.
ناتاليا ارينوۆا، ءبىلىم باعدارلاماسىنىڭ جەتەكشىسى:
- قازاقستاندا ءبىرىنشى رەت مەديتسينالىق تەحنيكتەردى دايىنداماقشىمىز. رەسەي، گەرمانيا، جاپونيا، اۆستريا ەلدەرىندەگى بەلدى ۋنيۆەرسيتەتتەرمەن بايلانىس ورناتتىق. جوسپارىمىز كوپ. قولىمىزدان كەلەدى دەگەن ويدامىز. قۇرال- جابدىقتارىمىز دايىن. مەديتسينالىق مەكەمەلەر، بيلىك تاراپىنان قولداۋ بار.
بۇعان دەيىن ەلىمىزدە مەديتسينالىق تەحنيكتەردى وقىتۋ تاجىريبەسى بولماعان. ەندى الداعى ۋاقىتتا ولاردى ءتىپتى ماگيستر دارەجەسىنە دەيىن دايىنداۋ كوزدەلىپ وتىر.
مەدەت ەجەمبايەۆ كەلەشەكتە وسى ماماندىقتى يگەرمەكشى. جاس تەحنيك: «زاماناۋي جابدىقتارعا باعدارلاما ەنگىزۋ، جوندەۋ، قىزمەت كورسەتۋ مەن ءۇشىن قيىن ەمەس»، - دەيدى.
مەدەت ەجەمبايەۆ، ستۋدەنت:
- ا ق ش ع ت ز جاعىنان ءوزىنىڭ الدا كەلە جاتقانىن كورسەتىپ وتىر. بىزدە قازاقستاندا ع ت ز پروگرەستىڭ جانە اقپاراتتىق تەحنيكانىڭ ينجەنەرلەرىن دايىنداۋ ءارقاشان دا سۇرانىسقا يە. الەمدەگى باسقا مەملەكەتتەرمەن باسەكەگە تۇسە الامىن دەپ ويلايمىن.
اسحات ۇگىشيەۆ باسەكەگە قابىلەتتى جاستاردىڭ تەحنيكالىق قىزمەت كورسەتۋ بيۋرولارىندا تاپشى ەكەنىن ايتادى. «زاماناۋي جابدىقتاردىڭ كومەگىنە جۇگىنگەن ناۋقاس ءۇشىن مەديتسينالىق تەحنيكتەردىڭ قىراعىلىعى اسا قاجەت»، - دەيدى ول.
اسحات ۇگىشيەۆ، وبلىستىق اۋرۋحانانىڭ تەحنيكا جانە اقپاراتتىق ءبولىمىنىڭ باسشىسى:
- روبوتوتەحنيكا، تاعى باسقالارى تەحنولوگيالىق اپپارات ماماندارىنا، باسقا مەديتسينا ماماندارى سياقتى شتات قارالعان. سۇرانىسقا يە ماماندار مەديتسينالىق تەحنيكا جانە تەلەمەديتسينا باعىتىندا دايىندالاتىن بولادى. ولارعا تىكەلەي جابدىقتار شىعارىلاتىن ورىنداردا تاجىريبەدەن ءوتۋ مۇمكىندىگى دە قاراستىرىلعان.
www.24.kz
