الماتىدا «ماحابباتپەن» اتتى وتاندىق فيلمنىڭ تۇساۋكەسەرى ءوتتى

فيلمنىڭ قويۋشى- رەجيسسەرى الەكساندر گولسيەۆ. اتى ايتىپ تۇرعانداي تۋىندىدا ەكى جاستىڭ ماحابباتى جايلى باياندالادى. «ماحابباتپەن» فيلمىندە تەك قانا كومەديا ەمەس بىرنەشە جانردى بايقاۋعا بولادى.

نەگىزگى اڭگىمە مەكتەپتى ەندى عانا بىتىرگەن رۋسلان مەن سۆەتلانا جايىندا. جىگىت قىزعا عاشىق بولادى، ءبىراق ونىڭ جۇرەگىنە جول تابۋدىڭ دۇرىس باعىتىن تاڭداماي، ارام پەيىلدى ادامدارمەن بايلانىسادى. مۇندا العاشقى ماحابباتپەن قوسا، ۇلكەن ومىرگە قادام باسقان جاستار جايىندا باياندالادى.

 فارحات ءابدىرايىموۆ، فيلمنىڭ باس پروديۋسەرى:

 - مەنىڭ ويىمشا رومانتيكالىق جانردا كينو ءتۇسىرۋ جەڭىلدەۋ سياقتى. ويتكەنى كورەرمەندەردى كۇلدىرگەننەن گورى جىلاتۋ وڭاي. ءبىزدىڭ ءتۇسىرۋ توبى بارىن سالدى. ناتيجەسى جامان ەمەس. ويتكەنى بۇگىن زالعا جينالعان كوپشىلىكتى كۇلدىرە الدىق. ەندەشە ەڭبەكتىڭ ەش كەتپەگەنىنە قۋانىشتىمىز.

بۇل فارحات ءابدىرايىموۆتىڭ باس پروديۋسەر رەتىندەگى العاشقى جوباسى. وزىدە وسى فيلمدە باستى رولدەردىڭ ءبىرىن وينايدى. رەجيسسەر الەكساندر گولتسيەۆپەن بىرگە نەبارى 16 كۇننىڭ ىشىندە تۇسىرىلگەن كينو قازىرگى ۋاقىتتا ەلىمىزدىڭ بارلىق كينوتەاترلارىندا كورسەتىلۋدە.

سوۆەت سەيىتوۆ، پروديۋسەر:

 - قازىرگى كەزدە الماتىدا قازاقستاندا كوبىنەسە ءبىزدىڭ تۇرعىندار كوبىنەسە جاستار ءبىرىنشى ءبىزدىڭ كينولارعا بارادى. ءبىزدىڭ جاسالعان كينلولارعا. قازىر گولليۆۋدتتىڭ كينولارى ءبىزدىڭ كينولارعا قاراعاندا رەيتينگى وتە از بوپ تۇر.

فارحات ابدىرايىموۆتەن بولەك فيلمدە رومان المانسكي، ماكسيم اكباروۆ جانە گۇلنار سەيىلبايەۆا سەكىلدى اكتەرلار وينايدى. جاستار مەلودراماسىمەن باستالىپ، دراماعا جانە قىلمىستىق كومەدياعا ۇلاساتىن تۋىندىنى كورۋگە اسىعىڭىزدار.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى