ديماشتىڭ فرانسياداعى فاناتتارى انشىمەن كەزدەسۋدى ارماندايدى - ەلشىلىك وكىلى

دەپ حابارلايدى قازاقپارات ءتىلشىسى.

«ديماش قۇدايبەرگەندى تانيمىز. ول فرانسۋز تىلىندە ءان ايتادى ءارى ونىڭ اقتوبە قالاسىنان ەكەنىن بىلدىك. قازاقستانداعى فرانسيا ەلشىلىگى ديماشپەن بىرگە جۇمىس ىستەيدى. ديماش- قازاقستان ماقتانىشى. ونى فرانسيادا دا تانيدى، جاقسى كورەدى. ءتىپتى فرانسيادا ديماشتىڭ فاناتتار كلۋبى بار. فاناتتارى ديماشپەن كەزدەسۋدى ارماندايدى. جوسپار بويىنشا كوكتەمدە حالىقارالىق فرانكوفونيا مەرەكەسىن قولداۋشى رەتىندە قاتىسۋى مۇمكىن. ءان شىرقاۋى دا ىقتيمال. ول فرانسۋز تىلىندە ءان شىرقاۋدىڭ ماڭىزدىلىعى مەن فرانسۋز ءانى وعان نە بەرگەنىن ايتادى دەپ سەنەمىز. سول كەزدە اقتوبە قالاسى تۋرالى دا اقپارات بەرۋى مۇمكىن. سەبەبى، اقتوبە تۋرالى فرانسيا از بىلەدى. ەكى ەل اراسىنداعى مادەني بايلانىس دوستىعىمىزدى نىعايتا تۇسەرى ءسوزسىز»، - دەدى قازاقستانداعى فرانسيا ەلشىلىگى، مادەنيەت جانە ىنتىماقتاستىق جونىندەگى كەڭەسشىسى گييوم كاسپەرسكي.

ايتا كەتەيىك، اقتوبەگە فرانسۋز مۋزىكانتتارى كەلىپ، جۇبانوۆتار الەمى ورتالىعىندا ونەر كورسەتتى. مۋزىكانتتار عازيزا جۇبانوۆانىڭ شىعارماسىن ورىندادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى