اقتوبەدەگى اۆتوبۋس ورتىنەن امان قالعان جۇرگىزۋشىلەر ەكى اي قاماۋدا وتىراتىن بولدى

52 ادامنىڭ ءومىرىن جالماعان قايعىلى وقيعانىڭ سەبەبىن انىقتاۋعا شامامەن وسىنشالىقتى ۋاقىت قاجەت. تەرگەۋ ناتيجەسى بويىنشا جۇرگىزۋشىلەر 5 تەن 10 جىلعا دەيىن باس بوستاندىعىنان ايىرىلۋى مۇمكىن.

بۇل تۋرالى 31- ارنا حابارلايدى.

«اقتوبە وبلىسىنداعى اۆتوبۋس ورتىنە قاتىستى قىلمىستىق ءىس ءى ءى م ايماقارالىق جەدەل تەرگەۋ توبىنىڭ تەرگەۋ دەپارتامەنتىنە كەلىپ ءتۇستى. تەرگەۋ كەزىندە جۇرگىزۋشىلەر ءورت قاۋىپسىزدىگىن ساقتالماعانى، كولىك قۇرالدارىن پايدالانۋ زاڭدىلىعى ەسكەرىلمەگەنى جانە اۆتوبۋس ىشىندە جىلىتۋ شامى قولدانىلعانى بەلگىلى بولدى. اۆتوبۋستىڭ ءۇش جۇرگىزۋشىسى دە وسى قىلمىسقا قاتىسى بار ەكەنى انىقتالدى»، - دەيدى اقتوبە وبلىستىق پروكۋراتۋرانىڭ ءبىرىنشى باسقارماسىنىڭ باسشىسى ازامات قۇستانوۆ.

قىلمىستىق ءىستى وڭتۇستىك قازاقستان جانە اقتوبە وبلىستارىنىڭ پروتسەسسۋالدى پروكۋرورلارى باقىلايدى. تەرگەۋ باس پروكۋراتۋرا مەن ءى ءى م باقىلاۋىندا بولادى.

ال ورتتەن امان قالعان وزبەكستان ازاماتتارى اۋرۋحانادان شىعارىلدى. قازىرگى ۋاقىتتا ولاردىڭ وتانىنا جەتكىزىلۋى تۋرالى ماسەلە شەشىلىپ جاتىر.

ەستەرىڭىزگە سالا كەتسەك، 18- قاڭتار كۇنى اقتوبە وبلىسىندا اۆتوبۋس ورتەنىپ، 52 وزبەكستان ازاماتى قازا بولدى. ال 5 ادام امان قالدى. ونىڭ ۇشەۋى قازاقستان، ەكەۋى وزبەكستان ازاماتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى