قازاقستاندىق كاسىپكەرلەر شۇباتتان يوگۋرت دايىنداماق

اتالعان ۇجىم بىلتىرعى جىلى 2722 توننا قىزاناق جيناپ، ودان 337 توننا تومات پاستاسىن ءوندىردى. بۇدان بولەك، ۇجىم قىزمەتكەرلەرى 204,8 توننا جەمىس-جيدەك، باۋ-باقشا ونىمدەرىن جيناعان. مۇندا وندىرىلگەن ونىمدەر نەگىزىنەن الماتى، استانا جانە شىمكەنت قالالارىنا جونەلتىلۋدە، دەپ حابارلايدى قازاقپارات ءوڭىر اكىمدىگىنە سىلتەمە جاساپ.

ال سانالى اۋىلىنداعى «جەلمايا» وندىرىستىك كووپەراتيۆى تۇيە ءسۇتىن وندىرۋمەن اينالىسۋدا. مۇندا كۇنىنە 1 تونناعا دەيىن شۇبات ساۋىلىپ، ارنايى ىدىستارعا قۇيىلادى. كەيىن استانا، اقتوبە قالالارىنا جىبەرىلەدى. بيىل كاسىپورىن شۇباتتان يوگۋرت دايىنداۋدى قولعا العالى وتىر.

ارىس قالاسىنىڭ ديحاندارى سوڭعى جىلدارى تامشىلاتىپ سۋارۋ ادىسىمەن تابىستارىن ەسەلەي تۇسۋدە. بىلتىرعى جىلى ءوڭىر باعباندارى 5500 گەكتارعا ەگىلگەن باقشادان 134 مىڭ توننادان استام قاۋىن-قاربىز جيناعان. ونىڭ 56 مىڭ تونناسى گەرمانيا، بالتىق جاعالاۋى ەلدەرى مەن رەسەيدىڭ ماسكەۋ قالاسىنا جانە ءنوۆوسىبىر، پەنزا، سامارا وبلىستارىنا جونەلتىلگەن.

بۇدان بولەك، 63 مىڭ توننا قاۋىن مەن قاربىز استانا مەن الماتى قالاسىنا جىبەرىلسە، قالعانى وبلىس نارىعىنا ساۋداعا شىعارىلعان. شارۋالار الداعى ۋاقىتتا سىرداريا جانە ارىس وزەندەرىنىڭ يگىلىگىن ءتيىمدى پايدالانىپ، وزدەرىنە تيەسىلى القاپتاردا ەسەلى ەڭبەكتەرىن جالعاستىرا بەرۋگە نيەتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى