گولوۆكينگە «كانەلو» قاشقاقتاماس ءۇشىن شاعىن رينگتى تاڭداۋ ۇسىنىلدى

ولاردىڭ كەيبىرى گەننادي گولوۆكين (37-0-1, 33 ك و) مەن ساۋل الۆارەستىڭ (49-1-2, 34 ك و) اراسىنداعى رەۆانشقا قاتىستى، دەپ حابارلايدى قازاقپارات Sports.kz سايتىنا سىلتەمە جاساپ.

«دەن، مەنىڭشە، GGG كومانداسى رەۆانش كەزىندە كولەمى كىشكەنتاي رينگتى تاڭداۋعا قاتىستى كەلىسسوزدەر وتكىزۋى قاجەت. «كانەلو» ءجيى قاشقاقتاپ جۇرەدى، ال مۇندا گولوۆكين رينگتى كوپ اينالماس ەدى»، - دەپ پىكىرىن ءبىلدىردى جانكۇيەرلەردىڭ ءبىرى.

«رينگتىڭ كولەمى تالقىلاۋعا جاتپايدى. ەگەر ايقاس ۆەگاستا نەمەسە ا ق ش- تىڭ وزگە جەرىندە وتسە، وندا رينگ بارلىق جەردە بىردەي - ستاندارتتى. بۇل سۇراق كوميسسيا قۇزىرىندا»، - دەپ جاۋاپ بەردى دەن رافاەل.

سونداي-اق ساراپشى چاتتا الۆارەسپەن ەكىنشى جەكپە-جەك الدىنداعى گولوۆكيننىڭ جوسپارىنداعى وزگەرىستەرگە پىكىر ءبىلدىردى.

«ولار ەكەۋى دە وزگەرىستەر اكەلۋگە لايىقتى. گولوۆكينگە ءبىر نارسەنى تۇبەگەيلى وزگەرتۋ كەرەك دەپ ەسەپتەمەيمىن. ول ءبىرىنشى ايقاستا جەڭىسكە لايىق ەدى. كەۋدەگە كوبىرەك سوققى جاساۋ - جاقسى يدەيا»، - دەپ جازدى ول.

قازاقستاندىق بوكسشى مەن مەكسيكالىق سپورتشىنىڭ اراسىنداعى ريەۆانشتىق كەزدەسۋ اعىمداعى جىلدىڭ 5- مامىرى كۇنى وتەدى دەپ كۇتىلۋدە. ولاردىڭ لاس-ۆەگاستا وتكەن ءبىرىنشى كەزدەسۋى تەڭ اياقتالعان ەدى.

اۆتور: ميرا تولەندى قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى