موڭعوليا پرەزيدەنتى ءوز ءومىرىن ساقتاپ قالعان ەرلى-زايىپتىلاردى قوناققا شاقىردى
موڭعوليانىڭ گەرمانيا فەدەراتيۆتى رەسپۋبليكاسىنداعى توتەنشە جانە وكىلەتتى ەلشىسى د. گانبات نەمىستىڭ ماگدەبۋرگ قالاسىنىڭ تۇرعىندارى پەتەر مەن بريگيتتا گريەلدەرگە موڭعول ەلىنىڭ باسشىسى ح. باتتۋلگانىڭ سالەمى مەن العىسىن جەتكىزدى.
وسىعان وراي گريەلدەر وتباسى ۇيلەرىنە كىرەبەرىس جەرگە موڭعوليانىڭ تۋىن ءىلىپ قويعان.
ەرلى-زايىپتىلار ماگدەبۋرگ قالاسىندا ح. باتتۋلگا مەن ونىڭ دوسى ە. ۆانچينسۋرەننىڭ ءومىرىن نەوناتسيستتەردىڭ شابۋىلىنان ساقتاپ قالعان. وقيعا 1990-جىلى بولعان.
ەرلى-زايىپتىلار ۇزاق ۋاقىت وتكەنىنە قاراماستان، بۇگىنگى موڭعوليا پرەزيدەنتى ح. باتتۋلگانىڭ ولاردىڭ كومەگىن ۇمىتپاعانىنا ءدان ريزا ەكەندىكتەرىن جەتكىزدى.
ەلشى د. گانبات ولارعا سىي-سياپاتتار مەن پرەزيدەنتتىڭ بيىلعى جىلى موڭعولياعا ساپارلاۋ تۋرالى شاقىرۋىن تابىس ەتتى. پەتەر مەن بريگيتتا گريەلدەر بيىل 76 جاسقا تولادى.
