الەمدەگى ەڭ سەمىز بالا سالماق تاستاپ، مەكتەپكە بارا باستادى
بۇل تۋرالى The Mirror- عا سىلتەپ Stan.kz حابارلايدى.
10 جاسار پەرمانانىڭ سالماعى 192 كەلىگە جۋىق بولعان. ول ەكى جىل ىشىندە 76 كەلى سالماقتان ارىلىپ، ومىرگە دەگەن كوزقاراسىن وزگەرتكەن. بوس ۋاقىتىن بۇرىنعىداي تەلەديدار الدىندا نەمەسە باسسەيندە جاتۋمەن وتكىزبەي، دوستارىمەن فۋتبول، بادمينتون سەكىلدى ءتۇرلى ويىندار ويناۋدى ادەتكە اينالدىرعان- دى.
بالا كۇن سايىن ەكى كيلومەتر قاشىقتىقتا جۇگىرىپ، مەكتەپكە جاياۋ بارىپ كەلەدى. بالاسىنا ازىق- تۇلىك الامىن دەپ قارىزعا باتقان اتا- اناسى ۇلدارىنىڭ وزگەرگەنىنە وتە قۋانىشتى.
«ايتەۋىر، بۇرىنعىداي اۋىر تىنىس المايتىن بولدى، قازىر ۇلىم باقىتتى جانە بەلسەندى ءومىر سالتىن ۇستانىپ ءجۇر»، - دەيدى پەرمانانىڭ اناسى.
اناسى ۇلىنا كوپتەگەن جەمىستەر مەن كوكونىستەردى بەرىپ، ءتاتتى تاعامدارعا تىيىم سالعان. 2017 -جىلدىڭ جازىندا بالاعا اسقازاندى كىشىرەيتۋ ءۇشىن وتا جاسالدى.
