قىتاي كومپانياسى سولتۇستىك قازاقستان وبلىسىندا ءىرى ءوندىرىس كەشەنىن سالماق
وبلىس اكىمىنىڭ باسپا ءسوز قىزمەتىنىڭ مالىمدەۋىنشە، ينۆەستورلار پەستيتسيد، باكتەريتسيد، گەربيتسيد، پودشيپنيك وندىرەتىن زاۋىت، سونداي- اق ەلەكتروموبيل ءوندىرىسىنىڭ جەلىسى، سەلليۋلوزا، جەم زاۋىتى، بيداي وڭدەۋ، ليمون قىشقىلى مەن گليۋكوزاسىن جانە دەكستروزاسىن ءوندىرۋ جوباسىن ىسكە اسىرماق. زاۋىتقا 4 شاقىرىمدىق تەمىرجول تارتىپ، ەلەكتروستانتسيا سالۋ جوسپارى دا وسىنىڭ ىشىنە كىرەدى. جوبا ىسكە اسىرىلعان جاعدايدا 1,6 مىڭنان استام جاڭا جۇمىس ورنى اشىلماق.
قازىردىڭ وزىندە كەشەن قۇرىلىسىنا ارنالعان جەر ۋچاسكەسى ءبولىنىپ قويعان.
«قىتايلىق ارىپتەستەر اتالعان جوبانى ىسكە اسىرۋ ءۇشىن قوماقتى قارجى قۇيۋعا دايىن. اقشانىڭ العاشقى ترانشى بەرىلىپ قويدى. قاراشا ايىندا قىتايعا جاساعان ساپارىمىز بۇل جوبانىڭ جۇزەگە اسۋىنا مۇرىندىق بولدى. 80 ميلليارد تەڭگە ينۆەستيتسيا سالىنادى. ءونىمنىڭ ءبىرقاتار بولىگى قىتاي جانە باسقا دا ەلدەرگە ەكسپورتتالادى»، - دەدى س ق و اكىمى قۇمار اقساقالوۆ.
ايماق باسشىسى جاۋاپتى ورىندارعا ەكولوگيا ماسەلەسىنە ايىرىقشا كوڭىل ءبولۋ تۋرالى تاپسىرما بەردى.
