تۇلكىنى تاياقپەن ۇرىپ ولتىرگەن اۋىل تۇرعىنى ايىپپۇل تولەيتىن بولدى - كەسكىن
بۇل تۋرالى ق ر ا ش م ورمان شارۋاشىلىعى جانە جانۋارلار دۇنيەسى كوميتەتىنىڭ باسپا ءسوز حاتشىسى ساكەن دىلداحمەت جازدى، دەپ حابارلايدى «قازاقپارات» ح ا ا ءتىلشىسى.
«جەدەل ىزدەستىرۋ شارالارى بارىسىندا اتالعان ارەكەتتى جاساعان ادامنىڭ كىم ەكەنى بەلگىلى بولدى. ول قاراعاندى وبلىسىنىڭ شەت اۋدانى ورتاۋ اۋىلىنىڭ تۇرعىنى بولىپ شىقتى. ول كۇزەتشى بولىپ جۇمىس ىستەيدى. زاڭسىز تۇلكى اۋلاعان ازامات ق ر اكىمشىلىك قۇقىق بۇزۋشىلىق كودەكسىنىڭ 382-بابى بويىنشا اكىمشىلىك جاۋاپكەرشىلىككە تارتىلدى»، - دەپ جازادى ساكەن دىلداحمەت.
قاراعاندى وبلىسىنىڭ ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسى قۇقىقبۇزۋشىنىڭ تابيعاتقا كەلتىرگەن شىعىنىن تولەتتىرۋ جۇمىسىن جۇرگىزبەك. ناقتىراق ايتقاندا، قۇقىقبۇزۋشى 18370 تەڭگە تولەيدى.
ايتا كەتسەك، بۇعان دەيىن الەۋمەتتىك جەلىدە ەر ادام تۇلكىنى تاياقپەن سوعىپ العان ۆيدەو تاراعان بولاتىن. ەر ادام بەينەجازبادا كورسەتىلگەندەي، ءبىرىنشى سوققىدان سوڭ سەرەڭدەپ جاتقان تۇلكىنى تاعى ەكى مارتە ۇرىپ ولتىرگەن.
