گۇلشارا ءابدىقالىقوۆا ەلباسى ستيپەندياسىن تابىستادى
ستيپەنديالار جىل سايىن مەملەكەتتىك قولداۋ كورسەتۋ ماقساتىمەن قازاقستان رەسپۋبليكاسىنىڭ قۇرمەتتى اتاقتارى مەن مەملەكەتتىك ناگرادالارىن يەلەنگەن شىعارماشىل تۇلعالار مەن مادەنيەت قايراتكەرلەرىنە، سونداي- اق دارىندى شىعارماشىل جاستارعا ەلىمىزدىڭ مادەنيەتىن قالىپتاستىرۋعا، ساقتاۋعا جانە دامىتۋعا قوسقان ۇلەسى ءۇشىن بەرىلەدى.
مەملەكەتتىك ستيپەنديا ادەبيەت پەن ونەر سالاسىنىڭ 75 قايراتكەرىنە بەرىلدى. ستيپەندياعا اسانالى ءاشىموۆ، مىرزاتاي جولداسبەكوۆ، ءسابيت دوسانوۆ، بيبىگۇل تولەگەنوۆا سياقتى مەترلار جانە تاعى باسقا تۇلعالار يە بولدى. سونداي- اق مەدەت شوتابايەۆ، يرينا تەن، جامبىل دۇيسەنوۆ، ءادىل احمەتوۆ جانە باسقا دا جاس دارىندارعا مەملەكەتتىك قولداۋ كورسەتىلدى.
ءراسىمدى اشقان گۇلشارا ءابدىقالىقوۆا جيىنعا قاتىسۋشىلاردى شىن جۇرەكتەن قۇتتىقتاپ، مەملەكەتتىك ستيپەنديا ولاردىڭ قازاقستان مادەنيەتىن دامىتۋعا قوسقان ەلەۋلى ۇلەسىنىڭ باعالانۋىنىڭ كورىنىسى ەكەنىن اتاپ ءوتتى.
مەملەكەتتىك حاتشى قازاقستان پرەزيدەنتىنىڭ: «ۇلتتىڭ الەۋەتىن ارتتىرۋ ءۇشىن مادەنيەتىمىز بەن يدەولوگيامىزدى ودان ءارى دامىتۋىمىز كەرەك. «رۋحاني جاڭعىرۋدىڭ» ءمان- ماڭىزى دا ناق وسىندا. ءوزىنىڭ تاريحىن، ءتىلىن، مادەنيەتىن بىلەتىن، سونداي- اق زامانىنا لايىق، شەت تىلدەرىن مەڭگەرگەن، وزىق ءارى جاھاندىق كوزقاراسى بار قازاقستاندىق ءبىزدىڭ قوعامىمىزدىڭ يدەالىنا اينالۋعا ءتيىس»، - دەگەن سوزىنە راسىمگە قاتىسۋشىلار نازارىن اۋداردى.
بۇدان بولەك، گۇلشارا ءابدىقالىقوۆا تاۋەلسىز قازاقستاننىڭ سيمۆولى، ونىڭ باستى جەتىستىگى سانالاتىن استانانىڭ 20 جىلدىعى وسى جىلدىڭ نەگىزگى وقيعاسى ەكەنىن ايتتى. استانا - پرەزيدەنت يدەياسىنىڭ ىسكە اسۋى جانە بۇكىل قازاقستان حالقىنىڭ ەرەن ەڭبەگىنىڭ ناتيجەسى. مەملەكەتتىك حاتشى ەلباسىنىڭ حالىققا ارناعان «ءتورتىنشى ونەركاسىپتىك ريەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋىندا العا قويىلعان مىندەتتەردىڭ ىسكە اسىرىلۋىنا جانە ەلىمىزدىڭ مادەنيەتى مەن ونەرىنىڭ ودان ءارى دامۋىنا قازاقستاننىڭ شىعارماشىل زيالى قاۋىم وكىلدەرى الداعى ۋاقىتتا دا ەلەۋلى ۇلەس قوسادى دەگەن سەنىمىن ءبىلدىردى.
اقپارات كوزى: akorda.kz
