ءۇندىستاندا مۇحامەد حايدار دۋلاتيدىڭ كەسەنەسى جاڭارتىلدى - فوتو
دەپ حابارلايدى «قازاقپارات» ح ا ا- نىڭ قىتايداعى مەنشىكتى ءتىلشىسى.
ايگىلى «تاريح- ي- راشيدي» ەڭبەگىنىڭ اۆتورى ۇلى موعولدار يمپەرياسىنىڭ سۇلتاندارى جاتقان «مازار- ي- سالاتين» قورىمىنا جەرلەنگەن. كەسەنەدە ۋردۋ جانە اعىلشىن تىلىندە جازىلعان تاقتاشا بار. بۇل اقپاراتتىق تاقتاشا 2015 - جىلدىڭ قىركۇيەك ايىندا قازاقستاننىڭ ءۇندىستانداعى ەلشىسى بولات سارسەنبايەۆتىڭ ساپارى كەزىندە ورناتىلعان بولاتىن.
«اقپاراتتىق تاقتاشانىڭ ءماتىنىن قازاقستاننىڭ ءۇندىستانداعى ەلشىسى مەن تاراز قالاسىنداعى مۇحامەد حايدار دۋلاتي اتىنداعى مەملەكەتتىك ۋنيۆەرسيتەتتىڭ قىزمەتشىلەرى ازىرلەگەن ەدى. جاۋاپتى مەكەمەدەن ءماتىن مازمۇنى ءۇشىن رۇقسات الۋ ەكى جىلعا سوزىلدى. اقىرى، ءۇندىستان ارحەولوگيالىق باسقارماسىنىڭ قولداۋىمەن ءبىز حالقىمىزدىڭ ۇلى تۇلعاسىنا قۇرمەت كورسەتۋ مۇمكىندىگىنە يە بولدىق»، - دەيدى بولات سارسەنبايەۆ.
ەلشىلىكتىڭ باستاماسىمەن كاشمير ۋنيۆەرسيتەتىندەگى ورتا ازيانى زەرتتەۋ ورتالىعىنىڭ قولداۋىمەن «مۇحامەد حايدار دۋلاتي: قازاقستان مەن ءۇندىستان اراسىنداعى التىن كوپىر» اتتى حالىقارالىق كونفەرەنسيا ۇيىمداستىرىلدى.
كونفەرەنسيا جۇمىسىنا م. ح. دۋلاتي اتىنداعى تاراز مەملەكەتتىك ۋنيۆەرسيتەتىنىڭ رەكتورى ماحمەتقالي سارىبەكوۆ باستاعان دەلەگاتسيا، قازاقستان عىلىم اكادەمياسىنىڭ شىعىستانۋ ينستيتۋتىنىڭ ديرەكتورى ءابساتتار دەربىسالى، ءۇندىستاننىڭ سرينيگار ارحەولوگيالىق باسقارماسىنىڭ سرينيگار بولىمشەسىنىڭ باسشىسى ۆاسانت كۋمار سۆارناكار، جاممۋ مەن كاشمير شتاتتارىنىڭ تۋريزم دەپارتامەنتىنىڭ ديرەكتورى ماحمۋۇد احماد شاح، كاشمير ۋنيۆەرسيتەتىنىڭ ورتا ازيانى زەرتتەۋ ورتالىعىنىڭ ديرەكتورى گ. ن. كاكي مەن ءۇندىستاننىڭ 100-گە جۋىق عىلىم وكىلدەرى قاتىستى.
بولات سارسەنبايەۆ ءوز سوزىندە قازاقستان مەن ءۇندىستاننىڭ ستراتەگيالىق ىنتىماقتاستىعى تۋرالى ءسوز قوزعاپ، اسىرەسە ءبىلىم سالاسىنداعى بايلانىستىڭ نىعايىپ كەلە جاتقانىن ايتتى. ءبىلىم سالاسىنا بەرىلەتىن باسىمدىق قازاقستان پرەزيدەنتىنىڭ «ءتورتىنشى ونەركاسىپتىك ريەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋىندا ەرەكشە اتالىپ وتكەنىن تىلگە تيەك ەتتى.
قازاقستان تاراپىنان مۇحامەد حايدار دۋلاتيدىڭ ءومىرى مەن شىعارماشىلى تۋرالى قازاقستاندىق جانە ءۇندىستاندىق بىرنەشە عالىم بايانداما جاسادى. اشىق ديالوگتان كەيىن م. ح. دۋلاتي اتىنداعى تارمۋ مەن كاشمير ۋنيۆەرسيتەتى اراسىندا ىنتىماقتاستىقتى دامىتۋ بويىنشا كەلىسىمگە قول قويىلدى.
ايان بەكەن ۇلى
