جاقىپ اسانوۆ ادىلەتسىز سوت شەشىمدەرى تۋرالى ايتتى

«ءبىزدىڭ سۋديا تالاپ شەگىندە شەكتەۋلى ءارى بەيتاراپ. ول بەيتاراپ بولۋعا مىندەتتى دە. وزىنە تاراپتار بەرگەن قۇجاتتاردى تەك قانا باعالايدى، بولدى. قالاي ىستەۋ قاجەتتىگىن بىلەدى. ءبىراق، ايتۋعا قۇقى جوق. بۇل سوندا قانداي پروتسەسس بولعانى؟ ارينە، ادامداردا كوپتەگەن سۇراق تۋىندايدى. ولارعا ءبىزدىڭ پروتسەسسۋالدى زاڭنامانى ەگجەي-تەگجەيلى تۇسىندىرە المايسىڭ. ويتكەنى ولار تۇسىنبەيدى. سەيسەنبى كۇنى استانا قالاسىنىڭ سارىارقا اۋداندىق سوتىندا بولدى. سۋديالاردىڭ بارلىعى دا پروتسەسسۋالدى بەلسەندىلىك بەرۋدى وتىنەدى. ولار بىلاي دەيدى: «ادامدار الدىندا ۇيات. ويتكەنى ءبىزدىڭ ءتىلىمىزدى تۇسىنبەي، فورماليستەر دەپ ايتادى»، - دەدى جاقىپ اسانوۆ قازاقستان سۋديالارىنىڭ كەڭەيتىلگەن وتىرىسىندا.

ونىڭ ايتۋىنشا، بۇل ماسەلەنىڭ تاعى ءبىر قىرى بار. ياعني، سوت شەشىمى زاڭدى بولعانىمەن ادىلەتسىز. وسى رەتتە جوعارعى سوت ءتوراعاسى ناقتى مىسال دا كەلتىردى.

«مەن تىرىسىپ باقتىم، الايدا ارىپتەستەرىم زاڭدى بۇزۋىما جول بەرمەي قويدى. 10 جىل بۇرىن ءۇش بالاسى بار ايەلگە 19 شارشى مەترلىك پاتەر بەرىلگەن. ول جوندەۋ جۇمىستارىن جاساپ، 300 مىڭ تەڭگە كوممۋنالدىق شىعىنىن تولەپ، قونىستانعان. ەندى، اعىمداعى جىلى اكىمدىك ونى شىعارىپ جىبەرمەك بولدى. مىنە وسى كەزدە جوعارعى سوتتا دا ءبىز ونى قورعاي المايمىز. نەگە ەكەنىن بىلەسىزدەر مە؟ سەبەبى بەلسەندىلىك تانىتۋعا قۇقىعىمىز جوق. سوندىقتان ىسكە باسقا تالاپ، باسا سوت پروتسەسى قاجەت. وسىناۋ توزاق شەڭبەرىن ءوزى جالعىز ءوتۋى ءتيىس، ال ءبىزدىڭ قۇقىعىمىز جوق. ەگەر ءبىز بىردەڭە جاساي باستاساق، وندا بۇل وكىلەتتىكتى اسىرا پايدالانۋ بولماق»، - دەدى جاقىپ اسانوۆ.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى