ازاماتتىق اۆياتسيا كوميتەتى مينيسترلىكتەن ءبولىنۋى مۇمكىن
«بىرلەسكەن جۇمىستاردىڭ نەگىزىندە (بريتاندىق ازاماتتىق اۆياتسيا اگەنتتىگى - اگەنتتىك ەسكەرتپەسى) بىزدەر بريتاندىق مودەلدى ەنگىزۋدىڭ ادىستەرىن ازىرلەدىك. ول ۇشۋلار قاۋىپسىزدىگى سالاسىنداعى باقىلاۋ جانە قاداعالاۋ قىزمەتتەرىن ازاماتتىق اۆياتسيا سالاسىنداعى باقىلاۋ مەن قاداعالاۋ جونىندەگى ۇلتتىق كومپانيا نىسانىندا قۇرىلاتىن، مينيسترلىككە ەسەپ بەرەتىن جاڭا قۇرىلىمعا بەرۋ بولىگىندە قولدانىستاعى زاڭناماعا وزگەرىستەر ەنگىزۋدى كوزدەيدى»، - دەلىنگەن ق ر ي د م جانىنداعى ازاماتتىق اۆياتسيا كوميتەتىنىڭ باسپا ءسوز قىزمەتى تاراتقان اقپاراتتا.
تاراتىلعان اقپاراتقا قاراعاندا، ينسپەكتورلار تۇرىندەگى شتاتتىق ساننىڭ ءبىر بولىگى ۇلتتىق كومپانياعا وتەدى، ال مينيسترلىكتە مەملەكەتتىك ساياسات پەن حالىقارالىق قارىم- قاتىناستاردى قالىپتاستىرۋ قىزمەتى ساقتالادى.
تاراتىلعان اقپاراتقا سايكەس، ازاماتتىق اۆياتسيانى رەتتەۋدىڭ بريتاندىق مودەلى الەمدەگى ەڭ الدىڭعى قاتارلى باسقارۋ فورماسى سانالادى جانە ۇشۋلار قاۋىپسىزدىگى سالاسىنداعى باقىلاۋ مەن قاداعالاۋدى قامتاماسىز ەتەتىن مەملەكەتتىك كورپوراتسيا بولىپ ەسەپتەلىنەدى. بريتاندىق اگەنتتىكتىڭ شتاتتىق سانى شامامەن 800 ادامدى قۇرايدى. مەملەكەتتىك كورپوراتسيا ازاماتتىق اۆياتسيا سالاسىنداعى مەملەكەتتىك ساياساتتى تۇزەتىن ۇلى بريتانيانىڭ كولىك دەپارتامەنتىنە باعىنىشتى.
