قازاقستان پرەزيدەنتىنىڭ ا ق ش- قا ساپارى ءساتتى اياقتالدى - قاسىم-جومارت توقايەۆ
«ونىنشى قاڭتاردا ەلباسى قازاقستان حالقىنا جولداۋىن جاريالادى. بۇل - تاريحي ماڭىزدى قۇجات. سەبەبى مەملەكەت باسشىسى «ءتورتىنشى ونەركاسىپتىك ريەۆوليۋتسيا» قارساڭىنداعى ەلىمىزدى ودان ارى قاراي دامىتۋدىڭ ناقتى ءىس-قيمىل باعدارلاماسىن ۇسىنىپ، نەگىزگى مىندەتتەردى بەلگىلەپ بەردى»، - دەپ توقتالدى توقايەۆ سەناتتىڭ جالپى وتىرىسىندا.
وسى ورايدا سەنات ءتوراعاسى جاقىندا دەپۋتاتتار وڭىرلەردە ەل حالقىمەن كەزدەسۋلەر وتكىزگەنىن، بۇل تۇرعىدا ەلباسىنىڭ جولداۋىن جان-جاقتى تالقىلاۋعا اتسالىسقانىن اتاپ ءوتتى.
«بيۋرو جولداۋدى ىسكە اسىرۋ جونىندە سەناتتىڭ ارنايى جوسپارىن بەكىتتى. وندا ەلباسى جولداۋىندا قويىلعان مىندەتتەردى تياناقتى ورىنداۋعا بايلانىستى ءبىرقاتار ماڭىزدى ءىس-شارالار انىقتالدى. جولداۋداعى نەگىزگى مىندەتتەردى زاڭنامالىق تۇرعىدان قامتاماسىز ەتۋ - ءبىزدىڭ باستى مىندەتىمىز. سوندىقتان بارشامىز وسى باعىتتا جوعارى جاۋاپكەرشىلىكپەن بەلسەندى جۇمىس جۇرگىزەمىز دەپ سەنەمىن»، - دەدى ول.
بۇدان بولەك، قاسىم- جومارت توقايەۆ جۋىردا ەلباسىنىڭ امەريكا قۇراما شتاتتارىنا رەسمي ساپارى ءساتتى اياقتالعانىن تىلگە تيەك ەتتى.
«مەملەكەت باسشىسىنىڭ ب ۇ ۇ قاۋىپسىزدىك كەڭەسىنىڭ وتىرىسىنا ءتوراعالىق ەتىپ، كەڭەس اتىنان مالىمدەمە جاسادى. اق ۇيدە اقش پرەزيدەنتىمەن كەلىسسوزدەر بارىسىندا ەل ەكونوميكاسىن دامىتۋ مەن وڭىردەگى قاۋىپسىزدىكتى نىعايتۋ تۇرعىسىنان اسا ماڭىزدى ناقتى كەلىسىمدەرگە قول جەتكىزىلگەنى ءمالىم. بۇل ءوز كەزەگىندە قازاقستاننىڭ دۇنيەجۇزىلىك دەڭگەيىندەگى جوعارى بەدەلىن ودان ءارى نىعايتا تۇسكەنى ءسوزسىز. الداعى ۋاقىتتا سەناتورلار پارلامەنتتىك ديپلوماتيا الەۋەتىن كەڭىنەن پايدالانا وتىرىپ، ەلباسىنىڭ حالىقارالىق جانە وڭىرلىك قاۋىپسىزدىكتى قامتاماسىز ەتۋ جولىنداعى تىڭ باستامالارىن ىلگەرىلەتۋگە لايىقتى ۇلەس قوساتىنىنا سەنىمدىن»، - دەدى سەنات ءتوراعاسى.
اۆتور: رۋسلان عابباسوۆ
