الداعى ەكى ايدا قازاقستاندا اقىلى بولاتىن جولدار بەلگىلى بولدى

بۇگىن پارلامەنت سەناتىنىڭ جالپى وتىرىسىندا ق ر ينۆەستيتسيالار جانە دامۋ ءمينيسترى جەڭىس قاسىمبەك وسىلاي ءمالىم ەتتى، دەپ حابارلايدى قازاقپارات.

«بۇگىندە تەك استانا مەن بۋراباي ارالىعىنداعى جول اقىلى. الداعى ەكى-ءۇش ايدىڭ ىشىندە 3 جولعا اقىلى ءتارتىپتى ەنگىزبەكپىز. بۇل تۇرعىدا «استانا-تەمىرتاۋ»، «الماتى - قاپشاعاي»، «الماتى- قورعاس» جولدارى قامتىلادى»، - دەپ ناقتىلادى مينيستر.

بۇدان بولەك، جەڭىس قاسىمبەك 2021-جىلعا دەيىن قازاقستان اۋماعىندا 7 مىڭ شاقىرىمنان استام رەسپۋبليكالىق ماڭىزداعى اۆتوجولدار اقىلى بولاتىنىن جەتكىزدى.

جالپى وتىرىس بارىسىندا ۆەدومستۆو باسشىسى 2020-جىلعا قاراي ترانزيتتەن تۇسەتىن قاراجات بەس ميلليارد دوللارعا دەيىن ارتاتىنىن ءمالىم ەتتى.

«ەلباسىنىڭ تاپسىرماسىنا سايكەس، ءبىز 2020-جىلعا قاراي ترانزيتتەن تۇسەتىن قاراجاتتى بەس ميلليارد دوللارعا دەيىن ۇلعايتۋىمىز كەرەك. بۇگىندە ول سوما 1,5 ميللياردى قۇرادى. سوڭعى 2-3 جىلدىڭ ىشىندە قىتايدان ەۋروپاعا قازاقستان ارقىلى باراتىن ترانزيت جىل سايىن ەكى ەسەگە ءوسىپ جاتىر. 2020-جىلعا دەيىن مەملەكەت باسشىسىنىڭ تاپسىرماسىن ورىندايمىز دەپ جوسپارلاپ وتىرمىز»، - دەدى ج. قاسىمبەك.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى