الماتى وبلىسىنىڭ مونوقالاسىندا سۋ ەلەكتر ستانتسياسى سالىنادى

جاڭا نىساننىڭ قۇرىلىسى 2018-جىلى باستالىپ، 2021-جىلى اياقتالادى دەپ جوسپارلانۋدا. اتالعان جوباعا 9 ميلليارد تەڭگە كولەمىندە ينۆەستيتسيا تارتىلماق. بۇل جونىندە تەكەلى قالاسىنىڭ اكىمى باقتيار ونەربايەۆ شاھار تۇرعىندارى الدىنداعى ەسەبىندە ءمالىم ەتتى.

ايتا كەتۋ كەرەك، 2017-جىلدىڭ 6- جەلتوقسانىندا تەكەلى قالاسىندا 28 مۆت «قورا» سۋ ەلەكتر ستانتسياسى ىسكە قوسىلعان بولاتىن. وسىلايشا تەكەلىنىڭ تاۋ وزەندەرى پرەزيدەنتتىڭ «جاسىل ەكونوميكا» ساياساتىن جۇزەگە اسىرىپ، مەملەكەتتىك باعدارلامالاردىڭ ورىندالۋىنا وڭ سەپتىگىن تيگىزۋدە. جالپى 2025-جىلعا دەيىن الماتى وبلىسىندا ەلەكتر ستانتسيالارىنىڭ جالپى سانى 98 گە جەتىپ، 3700 مۆت قۋات ءوندىرۋ جوسپارلانۋدا. جوبانى جۇزەگە اسىرۋ ءۇشىن سۋ، جەل، كۇن جانە بيولوگيالىق قالدىقتار پايدالانىلماق. جالپى قازىرگى تاڭدا الماتى وبلىسىندا 21 ۇلكەندى-كىشىلى ەلەكتر ستانتسياسى جۇمىس ىستەپ تۇر.

اۆتور: سامال قابىشەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى