استاناداعى ۇلتتىق قورعانىس ۋنيۆەرسيتەتى ا ق ش- تىڭ جوعارعى وقۋ ورىندارىمەن تىعىز بايلانىس ورناتقان

ءبىلىم ورداسى اسكەري سالاداعى جاڭا عىلىمي جەتىستىكتەرىن دە جاريالاپ كەلەدى. بۇگىن ۋنيۆەرسيتەتتىڭ بۇل باعىتتاعى جۇمىستارى پارلامەنت سەناتىنىڭ ءبىر توپ دەپۋتاتىنا تانىستىرىلدى. سەناتور داريعا نازاربايەۆا دوكتورانتۋرا، ماگيستراتۋرا ماماندارىن دايارلاۋ بارىسىنا باسا ءمان بەردى.

ايتا كەتەيىك، وقۋ ورنىندا اسكەريلەر اعىلشىن، قىتاي، اراب، پارسى تىلدەرىن مەڭگەرەدى. ارنايى كۋرستاردان وتكەن سوڭ ولار سەرىكتەس مەملەكەتتەرگە جىبەرىلىپ، قارىم- قابىلەتىن جان- جاقتى جەتىلدىرىپ قايتادى. ونىڭ ۇستىنە قازىر مۇندا 421 ماگيسترانت ءبىلىم الادى.

اسحات رىسپايەۆ، ق ر تۇڭعىش پرەزيدەنتى - ەلباسى اتىنداعى ۇ ق ۋنيۆەرسيتەتىنىڭ باستىعى:

 - ءبىزدىڭ ۋنيۆەرسيتەت 2005 -جىلدان بەرى 200-دەن استام اسكەري قىزمەتكەردى اعىلشىن تىلىنە وقىتىپ، ءتيىستى سىناقتان وتكىزدىك. ولاردىڭ ءبىرشاماسى ا ق ش- تا بىلىمدەرىن جەتىلدىردى. ەندى كەيبىرى اسكەري سالانىڭ قىر- سىرىنا قانىعۋ ءۇشىن ناتو مەملەكەتتەرىندەگى وقۋ ورىندارىنان شاقىرتۋ كۇتىپ ءجۇر.

 دارحان قالەتايەۆ، ق ر پارلامەنتى سەناتىنىڭ دەپۋتاتى:

- تەحنيكالىق جاعىنان قاراعاندا، بۇل ۋنيۆەرسيتەت دۇنيە جۇزىندە، ت م د ەلدەرى اراسىندا باستى ورىندا كەلە جاتىر. اسكەري عىلىم دۇنيەجۇزىندە دامۋدا. ءبىز دە قالماۋىمىز كەرەك.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى