ەلوردالىق سابيلەرگە ءجيى قويىلعان ەسىمدەر بەلگىلى بولدى

2017 -جىلى ەلوردادا دۇنيەگە كەلگەن 405 سابيگە ايزەرە ەسىمى بەرىلىپتى. 354 رەت قويىلعان ايلين دەگەن ەسىمى ەكىنشى ورىندا. ۇزدىك ۇشتىكتە ءامينا ەسىمى تۇر، 353 اتا- انا ءوز بالاسىنا وسى ەسىمدى تاڭداعان.

 ايارۋ، ايشا، رايانا، ايالا، كاۋسار، داريا، ءاديا، ءىنجۋ، ايىم جانە توميريس ەسىمدەرى دە وتكەن جىلى قىز بالالارعا قويىلعان ەسىمدەردىڭ اراسىندا الدىڭعى قاتاردا تۇر.

 ال ۇلدار اراسىندا ءجيى قويىلعان ەسىمدەردىڭ ۇشتىگىنە ءاليحان، ءامىر جانە ءالي ەسىمدەرى كىرەدى. سونداي- اق، استانالىق اتا- انالار وزدەرىنىڭ ۇل بالالارى ءۇشىن ءجيى تاڭداعان ەسىمدەردىڭ اراسىندا ايسۇلتان، سانجار، ەراسىل، ارلان، ارسەن، نۇريسلام، الان، مانسۇر، رامازان، ميراس جانە ءالينۇر ەسىمدەرى دە كەزدەسەدى.

 بالالارعا ەلدە بولىپ جاتقان وقيعالارعا بايلانىستى ەسىم قويۋ ءداستۇرى دە وزگەرگەن جوق. حالىقارالىق ەكسپو كورمەسىن وتكىزۋ كەزىندە «ەسىل» اۋدانىنىڭ ا ح ا ت بولىمشەسىندە ۇل بالاعا قويىلعان بادىبەكسپو ەسىمى تىركەلدى.

«ەسىل»، «سارى ارقا» جانە «الماتى» اۋداندارىنىڭ ا ح ا ت بولىمشەلەرى بەرگەن مالىمەتتەرگە سايكەس، ەلوردادا 2017 -جىلى استانادا دۇنيەگە  087 34 ءسابي كەلگەن. 2016 -جىلى بۇل كورسەتكىش  32056 بالانى قۇرادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى