ميدىڭ قارتايۋىن تەجەيتىن ءتاسىل تابىلدى
زەرتتەۋ قورىتىندىسى بويىنشا ولار اتالعان پروتسەسس ميدىڭ ەرتە قارتايۋىنا اكەپ سوعاتىنىن ايتتى. مامانداردىڭ ماتەريالى bioRxiv سايتىنا جاريالاندى، دەپ حابارلايدى baq.kz اقپارات اگەنتتىگى.
سويتسە، مۇنداي جاعدايدا وزىندىك ەرەكشە اقۋىز بەلسەندى قىزمەت ەتىپ، ول ادامنىڭ ورتالىق جۇيكە جۇيەسىنىڭ جاس ەرەكشەلىكتەرىن تەجەۋى مۇمكىن بولىپ شىقتى.
زەرتتەۋ بارىسىندا بيولوگتار باۋىر- مي توسقاۋىلىنداعى كارى كلەتكالاردىڭ قانداي گەندەرى بەلسەندى بولعانىن انىقتادى. ساراپتاما بارىسىندا جاس كەمىرگىشتەر پايدالانىلدى. ولاردىڭ باس سۇيەگىنە كارى جانۋارلار قانىنىڭ پلازماسى قۇيىلدى. عالىمدار مۇنداي پروتسەدۋرانىڭ ميدىڭ ءبىلىم الۋ، ەستە ساقتاۋ قابىلەتىن قالىپتاستىراتىن بولىگىنە قانداي اسەرى بولاتىنىن تەكسەردى.
سوندا توسقاۋىل كلەتكالارىندا 1 (VCAM1) ەرەكشە اقۋىزدىڭ سينتەزىنە جاۋاپ بەرەتىن گەندەر بەلسەندى جۇمىس ىستەي باستاعانى بايقالعان. بۇل اقۋىز گيپپوكامپتا جاڭا جۇيكە كلەتكالارىنىڭ پايدا بولۋىنا بوگەت جاسايدى. سونداي-اق، ورتالىق جۇيكە جۇيەسىنىڭ يممۋندىق كلەتكالارىنىڭ زاقىمدانۋىنا اكەپ سوعادى.
عالىمداردىڭ ايتۋىنشا، VCAM1 ارەكەتتەرىن توقتاتۋ ميدىڭ قارتايۋىن تەجەيدى.
