بيىل ەلىمىزدە ارزان اۋە رەيستەرى شىعادى

بۇل تۋرالى ازاماتتىق اۆياتسيا كوميتەتى باسپا ءسوز قىزمەتى حابارلايدى.

حالىقتىڭ استانا مەن وڭىرلەر اراسىنداعى اۋە قاتىناسىنا، وڭىرلەر اراسىنداعى بايلانىسقا، سونداي- اق، 2018 -جىلى تۋريستىك نىسانداردىڭ قولجەتىمدىگىنە دەگەن سۇرانىسىن قاناعاتتاندىرۋ ماقساتىندا مىناداي باعىتتار سۋبسيديالاناتىن بولادى.

1) قاراعاندى - قىزىلوردا - قاراعاندى،  18000 تەنگە تاريفىمەن كەم دەگەندە اپتاسىنا 1 رەت؛

2) وسكەمەن - قاراعاندى،  20000 تەڭگە تاريفىمەن كەم دەگەندە اپتاسىنا 2 رەت؛

3) كوكشەتاۋ - اقتاۋ،20000 تەڭگە تاريفىمەن كەم دەگەندە اپتاسىنا 2 رەت؛

4) الماتى - كوكشەتاۋ،  18000 تەڭگە تاريفىمەن كەم دەگەندە اپتاسىنا 2 رەت؛

5) الماتى - پەتروپاۆل،  20000 تەڭگە تاريفىمەن كەم دەگەندە اپتاسىنا 2 رەت؛

6) استانا - تالدىقورعان؛  24500 تەڭگە تاريفىمەن كەم دەگەندە اپتاسىنا 7 رەت؛

7) پەتروپاۆل- شىمكەنت،  20000 تەڭگە تاريفىمەن كەم دەگەندە اپتاسىنا 1 رەت؛

8/ استانا - پەتروپاۆل،  14300 تەڭگە تاريفىمەن كەم دەگەندە اپتاسىنا 1 رەت؛

9) استانا - ءۇشارال (الاكول كولى. ) 20000 تەڭگە تاريفىمەن كەم دەگەندە اپتاسىنا 2 رەت؛

10) الماتى - بالقاش،  000 14 تەڭگە تاريفىمەن كەم دەگەندە اپتاسىنا 1 رەت (6-اي) ؛

11) استانا - ءۇرجار (الاكول كولى. ) ،  19500 تەڭگە تاريفىمەن كەم دەگەندە اپتاسىنا 1 رەت (6 اي) ؛

12) الماتى - ءۇرجار (الاكول كولى. ) ،  16000 تەڭگە تاريفىمەن كەم دەگەندە اپتاسىنا 1 رەت (6 اي) .

بارلىق تاريفتەر تەك ءبىر باعىتقا ۇشۋ ءۇشىن كورسەتىلگەن. رەيستەردى سۋبسيديالاۋ باعدارلاماسى 2002 -جىلدان بەرى جۇمىس ىستەپ كەلەدى جانە وسى كەزەڭدەردە 10 نان استام اۋە باعىتى كوممەرتسيالىق نەگىزگە كوشىرىلدى. قازىرگى ۋاقىتتا باعدارلامانىڭ نەگىزگى باسىمدىقتارىنىڭ ءبىرى قازاقستانداعى تۋريستىك باعىتتاردى دامىتۋ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى