ۆەنەتسيادا كورمەدەن ميلليونداعان ەۋرو تۇراتىن اسىل تاستار ۇرلاندى
ۇرىلار ءىزىن جاسىرىپ ۇلگىرگەن. دەگەنمەن ولاردى پوليتسەيلەر ىزدەستىرىپ جاتىر. ۇرلانعان زاتتار وتە باعالى سانالادى. دابىل قاققىش بىردەن ىسكە قوسىلماعان. ونىڭ ۇستىنە ۇرىلار تۋريستەردىڭ قاتارىنا قوسىلىپ كەتە بارعان. كۇزەتشىلەر بۇكىل كىرەبەرىس ەسىكتەردى جاۋىپ كەلۋشىلەردى قاراعانىمەن، ۇرىلاردى تابا المادى.
قولدى بولعان اشەكەي بۇيىمداردىڭ باعاسى دەكلاراتسيادا 30 مىڭ ەۋرو دەپ كورسەتىلگەن. ال نارىقتا ونىڭ بىرنەشە ميلليونعا ساتىلۋى مۇمكىن. عاجايىپ اسىل تاستار توپتاماسىنىڭ ءبىر بولىگى موگۋل يمپەرياسىنىڭ پاتشالارى مەن ءۇندى ماحارادجالارىنا تيەسىلى. ولاردىڭ كەيبىرەۋىنىڭ 400 جىلدان استام تاريحى بار. كوللەكسيا كاتار اۋلەتىنىڭ بيلەۋشىسىنە تيەسىلى. ازىرگە ولار بولعان وقيعاعا قاتىستى ەشقانداي اقپارات بەرگەن جوق.
www.24.kz
