قازاقستان قىتاي، يران، ب ا ءا جانە ساۋد ارابياسىنا اۋىلشارۋاشىلىق ونىمدەر ەكسپورتىن ارتتىرادى

 «ءبىز ەكسپورت جاعدايىن زەرتتەپ، ماسەلەلەردى شەشۋ جولدارىن تابۋدى ماقسات ەتىپ قويدىق. بيزنەس، مەملەكەتتىك قىزمەتشىلەر، ساراپشىلاردى جيناپ، ءتۇرلى تالقىلاۋ جيىندارىن وتكىزدىك»، - دەپ جازدى ق ر اۋىل شارۋاشىلىعى ۆيتسە- ءمينيسترى نۇرجان التايەۆ ءوزىنىڭ Facebook-تەگى پاراقشاسىندا.

ەكسپورت ماسەلەلەرىن زەرتتەۋگە ساراپتامالىق قۇرىلىمدار مەن عالىمدار دا شاقىرىلعان.

 «ەكسپورت دامۋىنداعى ماسەلەلەردى زەرتتەۋ قورىتىندىسىنا سايكەس، اوك ونىمدەرىنىڭ ەكسپورتىن دامىتۋ بويىنشا ارنايى «جول كارتاسىن» ازىرلەپ جاتىرمىز»، - دەپ اتاپ ءوتتى ول.

سونىمەن بىرگە، قازىرگى ۋاقىتتا قازاقستان بۇرىن- سوڭدى ەكسپورت جاسالماعان جاڭا نارىقتاردى تاپتى. اتاپ ايتقاندا، قىتايمەن بالىق شارۋاشىلىعى، اسىل تۇقىمدى جىلقىلار، قوي ەتى، بال، استىق، سويىس مالى بويىنشا حاتتاماعا قول قويىلعان.

«2018 -جىلى سيىر، شوشقا ەتتەرىنە، ءداندى داقىلداردىڭ (ارپا، جۇگەرى، كۇرىش)، ءداندى- بۇرشاقتاردىڭ (بۇرشاق، ۇرمەبۇرشاق، ماش)، جەم- شوپتەردىڭ (جوڭىشقا) ، مايلى داقىلداردىڭ (زىعىر، راپس، ماقسارى) جانە باقشا داقىلدارىنىڭ (قاربىز، قاۋىن، كادى) كەي تۇرلەرىنە تالاپتار كەلىسىلەدى. كەلەسى جىلدىڭ قورىتىندىسى بويىنشا، قىتايعا ەكسپورت كولەمى 20 پايىزعا ارتۋى ءتيىس»، - دەپ اتاپ ءوتتى ۆيتسە- مينيستر.

يرانمەن قازاقستاننان قوي جانە سالقىنداتىلعان قوي ەتتەرىن جەتكىزگە ارنالعان ۆەتەرينارلىق تالاپتار بەكىتىلگەن. 2017 -جىلى يرانعا العاش رەت ءتىرى قويلار مەن قوي ەتتەرى ەكسپورتتالا باستادى.

«جاڭا جىل باسىندا سيىر ەتى مەن ءمۇيىزدى ءىرى قارا مالعا ارنالعان تالاپتار بەكىتىلەدى. سونداي- اق، يرانعا استىق تاسىمالداۋعا سالىنعان تىيىمعا قاتىستى ەرەكشە تالاپتاردى ماقۇلداۋدان وتكىزدىك. بيداي جەتكىزۋ بويىنشا «پرودكورپوراتسيا» ۇ ك» اق مەن يراندىق كومپانيالار اراسىندا كەلىسىمشارت بەكىتىلدى»، - دەپ حابارلادى نۇرجان التايەۆ.

قازاقستان بىرىككەن اراب امىرلىكتەرىمەن ەت جانە ەت ونىمدەرىن جەتكىزۋ بويىنشا ۆەتەرينارلىق سەرتيفيكاتتى بەكىتكەن. ناتيجەسىنە العاش رەت بىرىككەن اراب امىرلىكتەرىنە مۇزداتىلعان سيىر ەتى ەكسپورتتالدى. ونىڭ ايتۋىنشا، كەلەسى جىلى ءباا- گە مال شارۋاشىلىعى ونىمدەرى ەكسپورتىن 30-50  پايىزعا ارتتىرۋ كوزدەلىپ وتىر.

ساۋد ارابياسىنا قاتىستى ءبىزدىڭ مەملەكەت ۇساق جانە ءمۇيىزدى ءىرى قارا مالدى جانە سيىر، قوي ەتتەرىن جەتكىزۋگە سالىنعان شەكتەۋدى الىپ تاستادى. ەندى جاڭا جىلدا ۆەتەرينارلىق سەرتيفيكات بەكىتىلىپ، مال شارۋاشىلىعى ونىمدەرى ەكسپورتتالا باستايدى.

ق ر اۋىل شارۋاشىلىعى ۆيتسە- ءمينيسترىنىڭ حابارلاۋىنشا، 2016 -جىلمەن سالىستىرعاندا قازاقستاندىق ا ءو ك ءونىمىنىڭ ەكسپورتى 11 پايىزعا - 1580,3 ميلليون دوللاردان 1758,2 ميلليون ا ق ش دوللارىنا دەيىن وسكەن.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى