ساپاربايەۆ ديماشتىڭ اتا- اجەسىنە العىس ايتتى

دەپ حابارلايدى قازاقپارات ءتىلشىسى.

 اقتوبە وبلىسىنىڭ اكىمى بەردىبەك ساپاربايەۆ بۇگىن ارداگەرلەردىڭ ۇيىنە بارىپ، ولاردى جاڭا جىل مەرەكەسىمەن قۇتتىقتادى. الدىمەن اقىن نۇرپەيىس بايعانيننىڭ بالاسى مومىن بايعانيننىڭ شاڭىراعىندا بولدى.

مادەنيەت سالاسىنىڭ ارداگەرى 5 بالا تاربيەلەپ، اكە جولىن جالعاستىردى. كۇيشى وبلىس اكىمىمەن كەزدەسۋىندە قولىنا دومبىرا الىپ، ريزاشىلىعىن ءبىلدىردى.

كەيىن تىل ارداگەرى، 45 جىل بويى مەكتەپتە ساباق بەرگەن ليديا سمۋرىگيناعا باردى.

پەداگوگپەن كەزدەسۋدەن سوڭ ءوڭىر باسشىسى ديماش قۇدايبەرگەننىڭ اتا- اجەسى، اتا- اناسىنىڭ وتباسىن قۇتتىقتادى. قۇدايبەرگەن ايتبايەۆ كەزىندە مۇعالجاردا سوۆحوز ديرەكتورى، ەمبى كاسىپتىك تەحنيكالىق كوللەدجىنىڭ ديرەكتورى قىزمەتتەرىن اتقارعان.

 ايتا كەتەيىك، ديماش قۇدايبەرگەن اتا- اجەسىنىڭ تاربيەسىندە بولىپ، 5 جاسىنان باستاپ مۋزىكالىق مەكتەپتە ءبىلىم الدى. ءوڭىر باسشىسى بەردىبەك ساپاربايەۆ نەمەرەسىن باۋىرىنا باسىپ، ۇلكەنگە ىزەت، كىشىگە قۇرمەت كورسەتۋدى بالا كەزدەن بويىنا سىڭىرگەن ديماشتى تاربيەلەگەن ايتبايەۆتار وتباسىنا العىسىن ءبىلدىردى. ءوڭىر باسشىسى جاڭا جىلدىق سىي تارتۋ ەتتى.

اۆتور: التىناي ساعىندىقوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى