كاسىپكەردىڭ جۇمىس جۇرگىزۋىنە كەدەرگى كەلتىرگەن اكىمدىك جاۋاپكەرشىلىككە تارتىلدى
كاسىپكەردىڭ جۇمىسىن جۇرگىزۋگە مەملەكەتتىك ورگان كەدەرگى جاساعان. وسى جىلدىڭ ماۋسىم ايىندا «ازرەت- جول قۇرىلىس» ج ش س- ى جاڭاقورعان كەنتىنىڭ ورتالىعىندا ەكى كوشەنى ورتاشا جوندەۋدەن وتكىزۋگە تاپسىرىس الادى.
تاپسىرىس بەرۋشىلەر كەلىسىمشارتقا سايكەس جۇمىستى 1 ايدىڭ ىشىندە ءبىتىرۋدى تالاپ ەتەدى. تالاپ كاسىپكەر تاراپىنان تولىق ورىندالىپ، مەرزىمىندە بىتكەنىنە، تەحنيكالىق قاداعالاۋشىلاردىڭ جاسالعان جۇمىسقا وڭ باعا بەرگەنىنە قاراماستان، تاپسىرىس بەرۋشى جاڭاقورعان كەنتى اكىمدىگى قابىلداۋ اكتىسىنە قول قويۋعا اسىقپايدى.
نەگىزى مەملەكەتتىك ساتىپ الۋ سالاسىنداعى زاڭدىلىقتارعا سايكەس، جۇمىس تولىق بىتكەننەن كەيىن تاپسىرىس بەرۋشى 3 جۇمىس كۇنىنەن كەشىكتىرمەي اكتىلەپ، قابىلداپ الۋى ءتيىس. ال بۇل جۇمىستاردى جاڭاقورعان كەنتى اكىمدىگى ءبىر كوشەگە قاتىستى تاپسىرىسىنىڭ اكتىسىنە 14 -تامىزدا، ەكىنشى كوشە بويىنشا 6 -قىركۇيەكتە قول قويعان.
مۇنىمەن قوسا، كاسىپكەردىڭ ءوزىن جۇمىستى مەرزىمىندە بىتىرمەدى دەگەن جەلەۋمەن 1 ميلليون 353 مىڭ 520 تەڭگە تۇراقسىزدىق ايىبىن ءوندىرىپ، جوسىقسىز رەتىندە تانۋ ءۇشىن سوتقا بەرەدى.
«ازرەت- جول قۇرىلىس» ج ش س- نىڭ قۇقىعىن قورعاۋ تۋرالى كاسىپكەرلەر پالاتاسىنا تۇسكەن وتىنىشتەن كەيىن زاڭگەرلەر ماسەلەنى جان-جاقتى قاراستىردى. سەبەبى، ەگەر سوتتا كاسىپكەر جوسىقسىز رەتىندە تانىلاتىن بولسا 2 جىل كولەمىندە جۇمىس جاساي المايدى. بۇل دەگەنىڭىز بيزنەستىڭ جابىلۋىنا دا الىپ كەلۋى مۇمكىن.
ماسەلەنى زەردەلەۋ بارىسىندا زاڭگەرلەر تاپسىرىس بەرۋشىنىڭ قويىپ وتىرعان تالاپتارىنىڭ نەگىزسىز ەكەندىگىن انىقتاي الدى. ياعني مەملەكەتتىك ساتىپ الۋ سالاسىنداعى زاڭنامالىق اكتىلەرگە سايكەس جۇمىستى ورىنداۋ مەرزىمى كەلىسىمشارتتىڭ قازىناشىلىق ورگاندارىندا تىركەلگەن ۋاقىتىنان باستاپ ەسەپتەلۋى قاجەت، ال جاڭاقورعان كەنتى اكىمدىگى بۇل جايتتى ەسكەرمەي، كەلىسىمشارتقا قول قويعان كۇننەن باستاپ ەسەپتەگەن.
سونىمەن قاتار، زاڭ بويىنشا تاپسىرىس بەرۋشى كەلىسىم شارتتى ءتيىستى ورىنداماعانى بەلگىلى بولعان ساتتەن باستاپ 30 كۇن ىشىندە سوتقا الەۋەتتى ءونىم بەرۋشىنى مەملەكەتتىك ساتىپ الۋعا جوسىقسىز قاتىسۋشى دەپ تانۋ تۋرالى تالاپ قويۋعا مىندەتتى. وسى مەرزىمدەر تىيىم سالىناتىن مەرزىمدەر بولىپ تابىلادى، بۇل مەرزىمدەردىڭ ءوتۋى الەۋەتتى ءونىم بەرۋشىنى مەملەكەتتىك ساتىپ الۋعا جوسىقسىز قاتىسۋشى دەپ تانۋ تۋرالى ارىزدى قاناعاتتاندىرۋدان باس تارتۋ ءۇشىن نەگىز بولىپ تابىلادى.
الايدا، جاڭاقورعان كەنتى اكىمدىگى زاڭدا كورسەتىلگەن مەرزىمدەردى دە وتكىزىپ العان.
اتالمىش ماسەلەگە قاتىستى كاسىپكەرلەر پالاتاسىنىڭ زاڭگەرى ايدا قايۋپوۆا: «ءبىز سوتتا وسى دالەلدەمەلەردى العا تارتىپ، جاڭاقورعان كەنتى اكىمدىگى تالابىنىڭ نەگىزسىزدىگىن دالەلدەي الدىق. ناتيجەسىندە تاپسىرىس بەرۋشىنىڭ جوسىقسىز دەپ تانۋ تۋرالى تالابى قاناعاتتاندىرىلمادى. كاسىپكەر بيزنەسىمەن قاتار 1 ميلليون تەڭگەسىن ساقتاپ قالا الدى. مۇنان وزگە، وبلىستىق مامانداندىرىلعان اۋدانارالىق ەكونوميكالىق سوتى زاڭ تالاپتارىن تيىسىنشە ورىنداماعانى ءۇشىن جاڭاقورعان كەنتى اكىمدىگىن جاۋاپكەرشىلىككە تارتۋ جونىندە جەكە ۇيعارىم شىعاردى»، - دەيدى.
ايتا كەتۋ كەرەك، 2017 -جىلى كاسىپكەرلەر پالاتاسىنا بيزنەس وكىلدەرىنەن 200 دەن اسا ءوتىنىش ءتۇستى. جۇرگىزىلگەن جۇمىستاردىڭ ناتيجەسىندە 350 دەن اسا كاسىپكەردىڭ قۇقىعى قورعالىپ، 370 ميلليون تەڭگە قارجىسىن ساقتاپ قالا الدى.
