ەندى ەلىمىزدە جاڭا تۋعان نارەستەنى كەلتەحات-حابارلاما ارقىلى تىركەۋگە بولادى

بۇگىن «ازاماتتارعا ارنالعان ۇكىمەت» مەملەكەتتىك كورپوراتسياسى مەن «ۇلتتىق اقپاراتتىق تەحنولوگيالار» اكسيونەرلىك قوعامىمەن بىرلەسىپ ءتيىستى پيلوتتىق جوبانى ىسكە قوستى.

بالا ومىرگە كەلىسىمەن، ونىڭ اتا- اناسىنا sms ارقىلى قۇتتىقتاۋ كەلىپ، ءسابيدى تىركەۋ بويىنشا مەملەكەتتىك قىزمەتتەر ۇسىنىلادى. ناقتىراق ايتقاندا، تىركەۋ، جاردەماقى راسىمدەۋ، كۋالىك الۋ جانە بالاباقشاعا كەزەككە قويۋ سياقتى ماشاقاتى كوپ جۇمىستى ەندى ۇيدەن نە بولماسا پەرزەنتحانادان شىقپاي- اق جۇزەگە اسىرۋعا بولادى. نارەستە دۇنيەگە كەلگەن سوڭ، ەمدەۋ مەكەمەسى بۇل اقپاراتتى دەنساۋلىق ساقتاۋ مينيسترلىگىنىڭ اقپاراتتىق بازاسىنا تىركەيدى. كەيىننەن بۇل دەرەك «ەلەكتروندى ۇكىمەت» پورتالىنا تۇسەدى.

ايتا كەتەيىك، بۇگىن 200-دەن استام ازاماتشاعا وسىنداي sms-حابارلامالار كەلگەن.

مۇرات جۇمانباي، «ازاماتتارعا ارنالعان ۇكىمەت» مك دەپارتامەنت ديرەكتورى:

- وسى قىزمەتتى الۋ ءۇشىن ءبىزدىڭ ازاماتتارىمىز «ەلەكتروندى ۇكىمەت» پورتالىندا تىركەلۋى ءتيىس جانە وزدەرىنىڭ تەلەفوندارىن ونداعى جەكە كابينەتتەرىنە بايلاۋى ءتيىس. سوندا عانا ولارعا بۇل قىزمەت ءتۇرى اشىق بولادى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى