سىبايلاسى جەمقورلىققا قارسى تۇراتىن مەكەمەنىڭ باسشىسى الەۋمەتتىك جەلىدە جەكە پاراقشاسىن اشتى

«قۇرمەتتى دوستار! فەيسبۋك جاي عانا الەۋمەتتىك جەلىدەن ارتىق. ول بولماعاندا بۇگىنگى كۇنى قوعام ءومىرىنىڭ ءار ءتۇرلى وزەكتى ماسەلەلەرىنە وبەكتيۆتى كوزقاراسپەن سەنۋگە قيىن. اسىرەسە باسقارۋ شەشىمدەرىن قابىلدايتىن ادامدار ءۇشىن ماڭىزدى»، - دەپ جازدى ا. شپەكبايەۆ.

اگەنتتىك باسشىسى وزىنە جانە ءوزىنىڭ ارىپتەستەرىنە مەملەكەتتىك قىزمەت، مەملەكەتتىك قىزمەتتى كورسەتۋ ساپاسىن باعالاۋ جانە باقىلاۋ، سىبايلاس جەمقورلىققا قارسى ءىس- قيمىل سالالارىنداعى ساياساتتى جۇزەگە اسىرۋ بويىنشا جاۋاپتى ميسسيانىڭ جۇكتەلگەنىن جەتكىزدى.

«ءبىراق الداعى ۋاقىتتا باستاعان ءىستى ودان ءارى جەتىلدىرۋ ءۇشىن كۇش بىرىكتىرۋ قاجەت. وسى تاپسىرمانى ەلباسى باسىم باعىتتاردىڭ ءبىرى رەتىندە ايقىنداپ بەردى. بۇگىنگى كۇنى كرەاتيۆتى ويلايتىن جانە قوعام ساناسىن وزگەرتۋگە قۇشتار ادامداردىڭ كومەگى قاجەت. فەيسبۋك الاڭى اربىرەۋدىڭ ۇسىنىسىن ەستۋ ءۇشىن جاقسى مۇمكىندىك بەرىپ وتىر. سوندىقتان مەن جەكە پاراقشامدى اشۋدى ۇيعاردىم»، - دەيدى ا. شپەكبايەۆ.

وسىدان كەيىن اگەنتتىك ءتوراعاسى ءوزى باسقارىپ وتىرعان سالاعا قاتىستى بارلىق ۇسىنىستاردى alik.shpekbaev@gmail.com جەكە ەلەكتروندى پوشتاعا جازۋعا ۇندەدى. «دوستار، وسى باعىت بويىنشا ناتيجەلى جۇمىس قۇرۋ ءۇشىن، وتىنىشتەر، ارىز- شاعىمدار ءۇشىن «اشىق ديالوگ» پورتالىنداعى بلوگىم جۇمىس ىستەيتىنىڭ ەستەرىڭىزگە سالامىن. ءبىز سىبايلاس جەمقورلىقتان ازات قوعامنىڭ قۇرىلۋىنا جانە بەدەلدى حالىق قىزمەتشىلەرىنىڭ كورپۋسىنىڭ قالىپتاسۋىنا بىردەي مۇددەلى ەكەنىمىزگە سەنىم بىلدىرەمىن»، - دەپ اتاپ كورسەتتى ا. شپەكبايەۆ.

ايتا كەتەيىك، جاقىندا مەملەكەت باسشىسى نۇرسۇلتان نازاربايەۆ اليك شپەكبايەۆتى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى قىزمەتىنە تاعايىنداعان بولاتىن. وعان دەيىن اگەنتتىكتى باسقارعان قايرات قوجامجاروۆ باس پروكۋرور قىزمەتىنە اۋىستى.

اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى