موڭعول جىلقىسى توزىمدىلىگىمەن تاريحتا قالدى

قازىرگى ۋاقىتتا بۇل جىلقى موڭعوليانىڭ ءشولدى جانە تاۋلى اۋداندارىندا، قىتايدىڭ سولتۇستىگىندە، ءسىبىر ورماندارىندا كەزدەسەدى. موڭعولياداعى 500 مىڭ كوشپەندى حالىق 2 ميلليوننان ارتىق جىلقى اسىرايدى. ولار جىلقىنى ادامعا ەڭ جاقىن جانۋار دەپ بىلەدى جانە قاستەرلەيدى. موڭعول جىلقىسى الاسا بولعانىنا قاراماستان وتە ءتوزىمدى جانە اقىلدى كەلەدى. وسى توزىمدىلىكتەرىنىڭ ارقاسىندا موڭعولدار بىرنەشە كۇندىك ءشول دالادان جانۋارعا 1 تامشى سۋ ىشكىزبەستەن وڭاي وتكەن.

 ونىڭ قۇيرىق قىلىنان مورينحۋرا اتتى مۋزىكالىق اسپاپ جاسالىنادى. تاريحي دەرەكتەرگە كوز جۇگىرتسەك، بۇل تۇقىم پرجيەۆالسكي جىلقىسىنان تاراعان دەگەن بولجامدار بار. پرجيەۆالسكي جىلقىسى -  10-20 دان توپتانىپ تىرشىلىك ەتەتىن جابايى كەرقۇلان. بۇل جانۋار حالىقارالىق تابيعات قورعاۋ وداعىنىڭ « قىزىل كىتابىنا» ەنگىزىلگەن.

كەرقۇلاندار ⅩⅩعاسىردىڭ 60-70 -جىلدارىنا دەيىن قازاق دالاسىندا تىرشىلىك ەتتى. سول ۋاقىتتان كەيىن، مۇلدە كەزدەستىرمەي كەتتى. موڭعوليادا ات سپورتى ەكىنشى كەزەكتە كوڭىل بولىنەتىن نەگىزگى سپورت ءتۇرىنىڭ ءبىرى. ءبىرىنشى رەتتە، موڭعولدار كۇرەستى دامىتۋعا كۇش سالادى. زەرتتەۋشىلەردىڭ ايتۋىنشا، جىلقىنىڭ بۇل ءتۇرى شامامەن ب. ز. ب. 2000 جىل بۇرىن پايدا بولعان. موڭعول جىلقىسى وڭايلىقپەن باس بەرمەيتىن اساۋ جانۋار. ونى ۇيرەتۋ كەز كەلگەن جىگىتتىڭ قولىنان كەلمەيدى.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى