بايقوڭىرعا تۋريستىك ساپارلار ۇيىمداستىراتىن تۋروپەراتورلار ايقىندالدى
«ىسكە اسىرۋ مەرزىمى 2018-2035 -جىلدار بولاتىن بايقوڭىر قالاسى دامۋىنىڭ ۇزاق مەرزىمدى باعدارلاماسىندا «بايقوڭىر» كەشەنىنىڭ تۋريستىك پوتەنتسيالىن دامىتۋ بويىنشا ءىس- شارالار ەسكەرىلگەن. سونىڭ ىشىندە بۇقارالىق تۋريزمدى قامتاماسىز ەتۋ ءۇشىن قوناق ءۇي قورىن كەڭەيتۋ، اۆتوكولىك پاركىن كەڭەيتۋ بويىنشا شارالاردى ىسكە اسىرۋ جوسپارلانعان. سونىمەن قاتار بايقوڭىر قالاسىندا مادەني ءارى ويىن- ساۋىق ينفراقۇرىلىمىن جانە «بايقوڭىر» كەشەنىندە تۋريزم ينفراقۇرىلىمىن (زىمىران ۇشىرۋلارىن باقىلاۋ ءۇشىن قاراۋ الاڭدارىن سالۋ) دامىتۋ، «بايقوڭىر» عارىش ايلاعى نىساندارى جانە جاقىن ورنالاسقان اۋداندار («قورقىت- اتا» مەموريالدىق كەشەنى، «قامباش» كولى جانە ت. ب. ) بويىنشا ءتيىستى تۋرلار ازىرلەۋ كوزدەلگەن»، - دەيدى مينيسترلىك وكىلدەرى.
مۇنىمەن قوسا، كەلەتىن شەتەل تۋريستەرىنىڭ سانىن كوبەيتۋ ءۇشىن ۆيزا، رۇقسات بەرۋ راسىمدەرىن بارىنشا جەڭىلدەتۋ بويىنشا ءىس- شارالار جوسپارلانعان.
«بۇگىنگى كۇنى «بايقوڭىر» عارىش كەشەنىنە تۋريستىك ساپارلار ۇيىمداستىرۋعا مۇمكىندىك الاتىن تۋروپەراتورلاردىڭ ءتىزىمى قالىپتاستىرىلعان. سونىڭ ىشىندە قازاقستاندىق تۋروپەراتورلار دە بار»، - دەلىنگەن ۆەدومستۆو مالىمەتىندە.
اۆتور: رۋسلان عابباسوۆ
