جاڭاجىلدىق كونسەرت ەكسپو اۋماعى مەن اكىمدىكتىڭ جانىنداعى الاڭدا وتەدى

بيىل 31 - جەلتوقساندا ساعات 21:00-دەن 03:00-گە دەيىن قازاقستاندىق ەسترادا جۇلدىزدارى ەكسپو مۇز قالاشىعىندا، سونداي- اق قالالىق اكىمدىكتىڭ جانىنداعى الاڭدا اشىق اسپان استىندا بارشاعا كوتەرىڭكى كوڭىل كۇي سىيلايدى.

كوپشىلىككە دوسىمجان تاڭاتاروۆ، مارجان اراپبايەۆا، اعايىندى جۇگىنىسوۆتەر، دوس، كۇلايىم قايىربايەۆا، البينا وگانەسيان، «ارت دومبىرا» تريوسى شوۋ- باعدارلاما مەن كونسەرت ازىرلەدى. مۇنىمەن قوسا، « قىزىل ورىك» جانە «ماريا ماگدالەنا» حيتتەرىن ورىنداۋشىلار - اقىلبەك جەمەنەي مەن اسحات تارعىنوۆ تا جاڭاجىلدىق ءتۇندى ەلوردا تۇرعىندارىمەن جانە قوناقتارىمەن وتكىزەدى.

 جاڭا جىل ءتۇنى شاراعا قاتىسۋشىلار مەرەكەلىك وتشاشۋ تاماشالايدى. 2018 -جىلدى قارسى الۋعا ورايلاستىرىلعان ساليۋت ەلوردانىڭ ءۇش اۋدانىندا اتىلادى. بۇل - ەكسپو اۋماعى، ەسىلدىڭ جاعالاۋى جانە پۋشكين كوشەسى مەن ابىلاي حان داڭعىلىنىڭ بويىندا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى