تراكتور مىنگەن قاراعاندىلىقتار ەن دالادا اداسىپ كەتكەن

ءبىرىنشى وقيعا 26 - جەلتوقساندا بولعان. شەت اۋدانىنىڭ ەكى تۇرعىنى جايىلىمداعى جىلقىنى بايقاپ قايتۋ ءۇشىن تراكتورمەن جولعا شىعادى. ءبىراق باعداردان جاڭىلىپ، تاۋلىك بويى جول ىزدەپ جۇرە بەرگەن. 27 - جەلتوقسان كۇنى كەشكىسىن ولاردىڭ ءبىرى جاياۋ جالعىز كەتىپ، ءتۇن ىشىندە اقوي اۋىلىنا جەتەدى. بارعان بويدا توتەنشە جاعدايلار جونىندەگى دەپارتامەنتكە دالادا قالعان دوسى جايلى حابار بەرەدى.

«ىزدەستىرۋ- قۇتقارۋ توبى اداسقان تراكتورشىنى 28 - جەلتوقسان كۇنى 17:10-دا اقسۋ قىستاۋىنان ءتورت شاقىرىم جەردەن تاۋىپ، اۋىلعا جەتكىزدى»، - دەيدى ت ج د باسپا ءسوز قىزمەتىندەگىلەر.

ەكىنشى جاعداي 27 - جەلتوقساندا بولدى. اتاسۋ اۋىلىنان ەكى ادام ك-700 تراكتورىمەن «شىنبولات» شارۋا قوجالىعىن بەتكە الا جولعا شىعىپ، اداسقان.

«ىزدەۋ- قۇتقارۋ توبى ولاردى پوليتسيا جانە شارۋا قوجالىعى قىزمەتكەرلەرىنىڭ كومەگىمەن قۇتقاردى. قاتتى سوققان بوران ىزدەۋ جۇمىستارىن قيىنداتىپ جىبەردى. اداسقاندار 28 - جەلتوقسان كۇنى ساعات 12-دە اتاسۋدان 46 شاقىرىم جەردەن تابىلدى»، - دەيدى ت ج د باسپا ءسوز قىزمەتىندەگىلەر.

 ت جد  قىس مەزگىلىندە قاۋىپسىزدىك شارالارىنا ءمان بەرۋدى، اسىرەسە بوراندى كەزدە الىس ساپارعا شىقپاۋعا كەڭەس بەرەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى