دوللارلاپ اقشا تاباتىن انشىلەر الماتىدا پاتەر جاعالاپ جۇرگەندەرىن ايتتى
جۇرت ولاردى دوللارلاپ اقشا تابادى دەپ ويلايدى. ءتىپتى، «ەلىمىزدە ەڭ باي ماماندىق يەلەرى انشىلەر» دەگەن پىكىر قالىپتاسقالى قاشان؟!
ەسترادا جۇلدىزدارى ءار تويدان دوللارلاپ اقشا تاپقانىمەن، شىعىندارىنىڭ دا سوعان ساي ەكەنىن ايتادى. ءان جازدىرۋ، بەينەبايان ءتۇسىرۋ، ساحنالىق كوستيۋم تاعى بار. وعان قوسا، ۇلكەن سارايلاردا كونسەرت بەرۋدىڭ ءوزى دە ميلليونداعان اقشا تۇرادى. سوندىقتان بولار، انشىلەر اراسىندا دا پاتەر جاعالاپ جۇرگەندەر دە بارشىلىق ەكەن. بۇل تۋرالى 31-ارنانىڭ «ايتا بەرسىن» باعدارلاماسىندا ايتىلدى.
ولاردىڭ قاتارىندا سوڭعى جىلدا حيتمەندەر قاتارىنا قوسىلعان نۇربولات ابدۋللين دە بار.
«پاتەر جالداپ تۇرامىن. قۇداي قالاسا، كەلەر جىلى باسپانالى بولاتىن شىعارمىز. پاتەر جالداۋدان قيىندىق كورمەپپىن ءبىراق. كەيدە اعالارىمىز قولداپ جىبەرەدى، جەڭىلدىكپەن تۇسەدى. سوندىقتان ءۇي الۋ جاعىنان دا قيىنشىلىق بولمايدى دەپ ويلايمىن. بۇيىرسا الماتىدا ءبىر شاڭىراعىم بولادى»، - دەيدى ول اعىنان جارىلىپ.
«اسپانعا قارايمىن» انىمەن تانىلعان اباي بەگەي دە جالدامادى پاتەردە تۇراتىن بولىپ شىقتى. ءانشىنىڭ تۋعان جەرى اقتاۋ قالاسىندا ءزاۋلىم ءۇيى بار. ءبىر كەزدەرى الماتىدا دا ءبىر شاڭىراعى بولعان كورىنەدى. الايدا جۇبايى ومىرمەن قوش ايتىسقان سوڭ، ءانشى وڭتۇستىك استاناداعى مۇلكىن ساتىپ جىبەرىپتى.
«بىرەۋلەرگە وتىرىك بولۋى مۇمكىن، ءبىراق الماتىدا پاتەر جالداپ تۇرامىن. اقتاۋدا ءۇيىم بار. نەگىزى كەزىندە الماتىدا دا ءۇيىمىز بولعان، ءبىراق وتباسىمىزدا قيىن جاعداي بولعاننان كەيىن ءوز-ءوزىمدى جوعالتىپ الدىم، الماتىدا تۇرمايمىن دەپ ويلادىم. سول كەزدە پاتەرىمدى ساتقان بولاتىنمىن. ەندى بالالار ءوسىپ قالدى، ۇلكەن ءۇي الۋ كەرەك. سول سەبەپتى ءالى الماي ءجۇرمىن. قازىر دوسىمنىڭ ۇيىندە تۇرامىن، اي سايىن پاتەراقىسىن تولەيتىن ۋاقىتى بار. باعاسىن ايتپاي-اق قويايىنشى»، - دەپ ۇيالعان ءانشى 100 مىڭ تەڭگەدەن اسا تولەيتىنىن ايتىپ قويدى.
سونداي-اق، عازيزحان شەكەربەكوۆ، «جىگىتتەر» كۆارتەتىنىڭ ءانشىسى مىرزاحان ماحانوۆ، «زامان» توبىنىڭ انشىلەرى جالدامالى پاتەردە تۇراتىن بولىپ شىقتى.
