قازاقستاندىق ەڭ مىقتى بوكسشىلاردىڭ رەيتينگى جاسالدى

Diamond Ring سايتى سالماق كاتەگورياسىنا بولمەستەن قازاقستاندىق ەڭ مىقتى بوكسشىلاردى انىقتاۋ ماقساتىندا جىلدىڭ قورىتىندى رەتينگىن جاسادى.

توپ -10 باعاناسىنىڭ باسىندا بەلىنە الەمنىڭ ەڭ سالماقتى ءتورت بەلدىگىن (ІВО, WBA Super, WBC, IBF)   تاققان گەنادي گولوۆكين تۇر. وعان وسى رەيتينگتى جاساعان ون ساراپشىنىڭ توعىزى داۋىس بەرىپتى.

ەكىنشى ورىن - ورتا سالماقتاعى WBA Inter-Continental, WBO NABO, WBO Inter-Continental, WBA Fedelatin  چەمپيوندىق تيتۋلدارىنىڭ يەسى قانات يسلامدا.

ءۇشىنشى ورىن جەڭىل سالماقتا WBA تۇجىرىمى بويىنشا الەمنىڭ ەكس-چەمپيونى جانات جاقيانوۆقا بۇيىرىپتى.

ءتىزىمنىڭ ءتورتىنشى جانە بەسىنشى ورىندارىن بەكمان سويلىبايەۆ پەن باتىر جۇكەمبايەۆ ءوزارا ءبولىپ الدى.

ودان كەيىنگى ۇزدىكتەر قاتارىن جاڭقوش تۇراروۆ، يسا اقبەربايەۆ، مەيىرىم نۇرسۇلتانوۆ جالعاستىرادى. رەيتينگ وندىعىن جەڭىل سالماقتاعى ايدار شارىبايەۆ قورىتىندىلايدى.

وليمپيادانىڭ ەكى مارتە جۇلدەگەرى يۆان دىچكوعا ۇزدىك وندىققا كىرۋ ءۇشىن بارى جوعى ءبىر ۇپاي عانا جەتپەي قالعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى