ەكپىنى كۇشتى جەل تالدىقورعاندىق كاسىپكەردى شىعىنعا باتىردى

سونىڭ سالدارىنان قالاداعى قىزىرحان ءبورىباي ەسىمدى كاسىپكەر زارداپ شەگىپ وتىر، دەپ حابارلايدى قازاقپارات ءتىلشىسى.

ەكپىنى قاتتى جەل ونىڭ جىلىجايىن بۇلدىرگەن. ناقتى ايتقاندا جىلۋ ساقتاپ تۇراتىن جامىلعىسىن جۇلىپ اكەتكەن. سالدارىنان جايقالىپ ءوسىپ تۇرعان كوكونىستەرى تۇگەلدەي ءۇسىپ كەتىپتى. 7 جىلدان بەرى قيار، قىزاناق سەكىلدى كوكونىس تۇرلەرىن ءوسىرىپ، جان باعاتىن كاسىپكەر قازىر سان سوعىپ وتىر.

شاعىن كاسىپكەرلىگىن دامىتۋ ماقساتىندا العان نەسيەنى قالاي جابامىن دەپ الاڭداۋلى. كاسىپكەردىڭ ايتۋىنشا، شىعىن كولەمى 1 ميلليون تەڭگەدەن اسىپ جىعىلادى.

ەستەرىڭىزگە سالا كەتەيىك، جەلتوقساننىڭ 26 نان 27 نە قاراعان ءتۇنى تالدىقورعاندا ەكپىنى كۇشتى جەل سوقتى. اعاشتار سىنىپ، ەكى جەردە ەلەكتر سىمدارى ۇزىلگەن. كەيىن قالا اكىمىنىڭ باسپا ءسوز حاتشىسى دانيار جانىس ۇيلەرگە جارىق قوسىلعانىن ءمالىم ەتكەن بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى