قازاق اقىندارىنىڭ انتولوگياسى ازەربايجان تىلىندە جارىق كوردى - فوتو

شارا بارىسىندا ازەربايجان تىلىندە جارىق كورگەن قازاق اقىندارىنىڭ انتولوگياسىنا باسا كوڭىل ءبولىندى. جيىنعا 30 دان استام اقىن- جازۋشىلار قاتىستى.

بۇل تۋرالى «قازاقپارات» ح ا ا تىلشىسىنە «جانارتاۋ» قوعامدىق بىرلەستىگىنىڭ جەتەكشىسى انار شامشادينوۆا ءمالىم ەتتى.

انار شامشادينوۆانىڭ ايتۋىنشا، اتالمىش انتولوگيانىڭ تۇساۋكەسەرى بۇكىلالەمدىك جاس تۇركى جازۋشىلار بىرلەستىگى مەن «Кaspi» گازەتىنىڭ قولداۋىمەن ءوتتى.

قازاقستاننىڭ جاس اقىندارى انتولوگياسىنا گيۋلناز فەيزۋللا، گيۋلناز ءساتبايدىڭ اۋدارمالارىمەن بىرگە راسميا سابير، تارانا تۋران (راگيملي)، گيۋلنار سياما (گاسىملى)، افاگ شىحلى، اكپەر گوشالى، ە. گاراحانلى، يبراگيم يلياسلى، ينتيگام ياشار ي رۋسلان دوست الي سياقتى جۋرناليست جانە جازۋشىلاردىڭ ەڭبەكتەرى، سونداي- اق، اباي، جامبىل، ولجاس سۇلەيمەنوۆ سياقتى اقىنداردىڭ شىعارمالارى ەندى.

انار شامشادينوۆا قازاق اقىندارىنىڭ انتولوگياسى بىلتىر يسپان تىلىنە اۋدارىلعانىن، الداعى ۋاقىتتا قازاق ولەڭدەرىن اعىلشىن تىلىنە دە اۋدارۋ جوسپاردا بار ەكەندىگىن اتاپ ءوتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى