باتىس قازاقستاندا جاستار فورۋمى وتەدى
كاسىپكەرلەردى جەكە ماسەلەلەرى بويىنشا قابىلداعان وبلىس اكىمى التاي كولگىنوۆتىڭ اتاپ وتكەنىندەي، ەلباسى تاپسىرماسىنا سايكەس مەملەكەت تاراپىنان بۇل ماڭىزدى سالاعا ۇنەمى قولداۋ كورسەتىلىپ كەلەدى. سونىمەن قاتار اكىمشىلىك كەدەرگىلەر دە جويىلۋدا. وسى ماقساتتا بيىلعى ناۋرىز ايىنان بەرى وبلىس باسشىسى وڭىرلىك كاسىپكەرلەر پالاتاسىندا كاسىپكەرلەردى تىكەلەي قابىلداپ كەلەدى. سودان بەرى التاي كولگىنوۆتىڭ قابىلداۋىندا 56 كاسىپكەر بولدى.
بۇل جولى كەلگەندەردىڭ ىشىندە «ازيا گلوبال سەرۆيس» ج ش س وكىلدەرى ايبەك قۇلانبەكوۆ پەن قاسىم قانافيننىڭ «كاسىپكەرلىك نەگىزدەرىنە وقىتۋ ءۇشىن جاستاردى ىرىكتەۋ» جوباسى نازارعا ءىلىندى. ولاردىڭ سوزىنە قاراعاندا، كومپانيا جاستاردىڭ جول تابۋىنا جاردەمدەسەدى. بىرىنشىدەن، ءىرى مۇنايگاز كومپانيالارىنا جۇمىسقا ورنالاستىرۋ بولسا، ەكىنشىدەن، ءوز كومپانياسىنا ءبىلىمدى دە بەلسەندى جاستاردى قابىلدايدى. كومپانيا وڭىردە كاسىپكەرلىكتى دامىتۋ باعىتىندا ءىرى جوبالاردى جۇزەگە اسىرعىسى كەلەدى. جاس كاسىپكەرلەر كلۋبىن قۇرۋ دا ويدا.
«كاسىپكەرلەردىڭ قابىلداۋعا جاقسى ازىرلەنىپ كەلۋى قۋانتادى. سونىڭ ىشىندە «ازيا گلوبال سەرۆيس» ج ش س وكىلدەرىنىڭ باستاماسى قولداۋعا تۇرارلىق. ءبىلىم- بىلىگىن ۇدايى جەتىلدىرىپ، تاجىريبە جيناقتاعان جاستاردىڭ ەندى وزدەرى تۇستاستارىن وقىتقىسى، قول ءۇشىن سوزعىسى كەلەدى. كاسىپكەرلەرمەن ىسكەرلىك الاڭىندا وسىلايشا كەزدەسۋلەرىمىز الداعى جىلى دا جالعاسىن تاباتىن بولادى»، - دەدى التاي كولگىنوۆ.
