جابىرلەنۋشىلەرگە وتەماقى قورى قالاي جۇمىس ىستەيدى
«وتەماقى تولەنەتىن جابىرلەنۋشىلەردىڭ ءۇش ساناتى ايقىندالادى. زاڭ جوباسىمەن وتەماقىنى تاعايىنداۋ جانە تولەۋ ءتارتىبى ايقىندالعان. قىلمىستىق قۋدالاۋ فۋنكتسيالارىن جۇزەگە اسىراتىن مەملەكەتتىك ورگاندار جابىرلەنۋشىگە وتەماقىنى الۋ قۇقىقتارىن تۇسىندىرەدى جانە ودان ءوتىنىش قابىلدايدى. وتەماقى مولشەرىن تاعايىندايدى جانە الۋشىلاردىڭ ءتىزىلىمىن جاسايدى، كەيىننەن ونى قازىناشىلىققا جىبەرەدى. سوڭىندا وتەماقى تولەمى الۋشىلاردىڭ بانكتىك شوتتارىنا اۋدارىلادى»، - دەدى زاڭ جوباسىن تانىستىرعان ق ر قارجى ءمينيسترى باقىت سۇلتانوۆ.
ونىڭ ايتۋنىشا، «جابىرلەنۋشىلەرگە وتەماقى قورى تۋرالى زاڭ جوباسىنىڭ نەگىزىندە زاڭنامالىق اكىلەرگە دە ىلەسپە جوبالار ارقىلى تۇزەتۋلەر ەنگىزۋ ۇسىنىلادى.
«اتاپ ايتقاندا، بيۋدجەت كودەكسىندە قوردى قولما قول اقشانى باقىلاۋ شوتى رەتىندە رەگلامەنتتەيتىن جانە قوردى قالىپتاستىرۋ كوزدەرىن ايقىندايتىن تۇزەتۋلەر ۇسىنىلىپ وتىر. قىلمىستىق كودەكسكە جابىرلەنۋشىلەرگە وتەماقى قورىنان ءوندىرىپ الىناتىن ءماجبۇرلى تولەمنىڭ قۇقىقتىق نەگىزدەرىن رەگلامەنتتەيتىن، سونداي-اق ونى ءوندىرىپ الۋ ءتارتىبى مەن مولشەرلەرىن بەلگىلەيتىن تۇزەتۋلەر ەنگىزىلەدى. قىلمىستىق پروتسەستىك كودەكسكە وتەماقى الۋعا جابىرلەنۋشىلەردىڭ قۇقىقتارىن، سونىمەن قاتار وسى تولەمدەردى تولەۋ ءتارتىبى مەن ونىڭ مولشەرلەرىن بەلگىلەۋدى رەگلامەنتەيتىن تۇزەتۋلەر ەنگىزىلىپ وتىر»، - دەدى سۇلتانوۆ.
