كينوسىنشىلار قايرات نۇرتاستىڭ ايەلىن جىلدىڭ ۇزدىك اكتريساسى دەپ تانىدى

كينوگەرلەردىڭ ءبىر توبى تاۋىق جىلىنداعى ۇزدىك اكتريسا دەپ قايرات نۇرتاستىڭ جارى جۇلدىزدى اتادى.

بۇل تۋرالى Sputnik قازاقستان حابارلايدى.

اياقتالۋعا جاقىن قالعان جىلدىڭ ۇزدىك جانە ەڭ ناشار تۋىندىلارى تۋرالى ولەگ بورەتسكي، كاريم قادىربايەۆ جانە گۇلنار ابىكەنوۆا ايتىپ بەردى.

«بيىلعى جىل «الماس قىلىش» بلوكباستەرىنەن باستالدى. اسىرەسە، كومەديالىق فيلمدەر كوپ شىقتى. ال الەۋمەتتىك كينوعا كەلسەك، ەلدى ەلەڭ ەتكىزگەن ءبىر عانا فيلم - ول راشيد سۇلەيمەنوۆ تۇسىرگەن قايرات نۇرتاستىڭ «ارمان" فيلمى. تەك ءانشىنىڭ جانكۇيەرلەرى ءۇشىن ەمەس، بۇكىل حالىق ءۇشىن كۇتپەگەن توسىن سىي بولدى. باستى ءرولدى سومداعان اكتريسا ءارى قايرات نۇرتاستىڭ جارى قازاقستان كينوسىنداعى ەڭ ۇزدىك ءرولدى الىپ شىقتى. مەنىڭشە، اكتريسانى كينوسىنشىلار اسسوتسياتسياسى مىندەتتى تۇردە جىل قورىتىندىسىنا قوسادى»، - دەيدى كينوسىنشى ولەگ بورەتسكي.

«الەۋمەتتىك ماڭىزى بار كارتينالاردىڭ ۇزدىگى دەپ راشيد سۇلەيمەنوۆتىڭ «ارمان/كوگدا انگەلى سپيات» فيلمىن اتار ەدىم. سەبەبى وندا جەمقورلىق، «التىن جاستاردىڭ» قىلمىس ءۇشىن جازالانباۋى جانە ت. ب. ماڭىزدى قوعامدىق ماسەلەلەر كوتەرىلگەن»، - دەيدى گۇلنار ابىكەيەۆا.

ءوز كەزەگىندە كاريم قادىربايەۆ ارىپتەستەرىنىڭ پىكىرىن قوشتامادى. ونىڭ ايتۋىنشا، 2017-جىلى شىققان كينو-تۋىندىلار ساپاسى جاعىنان سىن كوتەرمەيدى. كينوگەرلەر اسەل ءسادۋقاسوۆا مەن اسقار ۇزابايەۆ تۇسىرگەن «كەلينكا توجە چەلوۆەك» فيلمىنىڭ وزگەلەرمەن سالىستىرعاندا جاقسى شىققانىن جەتكىزدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى