سىرتقى ىستەر مينيسترلىگى اسىلبەك مۋسين ءولىمىنىڭ ءمان- جايى تۋرالى ايتتى

 «قازاقستان ازاماتىنىڭ قازا تابۋ فاكتىسى بويىنشا ريگا قالاسىنىڭ پوليتسيا بولىمشەسى قىلمىستىق ءىس قوزعاپ، تەرگەۋ امالدارىن باستادى. ولار قايعىلى جاعدايدىڭ نەدەن بولعاندىعىن انىقتايتىن بولادى. كەشە ريگاعا كەلگەن قازا بولعان ازاماتتىڭ اعاسى قازاقستان كونسۋلىمەن بىرگە سوت- مەديتسينالىق ساراپتامالىق ورتالىعىنا بارىپ، اسىلبەك مۋسيننىڭ مۇردەسىن تانىدى»، - دەدى ق ر س ءى م باسپا ءسوز قىزمەتىنىڭ جەتەكشىسى ءانۋار جايناقوۆ.

ونىڭ ايتۋىنشا، قايعىلى وقيعا 22-سىنەن 23- جەلتوقسانعا قاراعان ءتۇنى بولعان، ءىس 22 - جەلتوقسان كۇنى ساعات 23-42-دە تىركەلگەن.

پوليتسيا مالىمەتىندە، اسىلبەك مۋسين 15 - قاباتتان، تەرەزەدەن قۇلاعان.

«اسىلبەك مۋسين قازاقستان ەلشىلىگىندە كونسۋلدىق ەسەپتە تۇرماعان. كەيبىر مالىمەتتەرگە سايكەس ونىڭ ريگادا تۇرۋعا ىقتيار حاتى بولعان»، - دەدى ول.

ەسكە سالا كەتەيىك، ءبىز بۇعان دەيىن ق ر پرەزيدەنتى اكىمشىلىگىنىڭ بۇرىنعى باسشىسى اسلان مۋسيننىڭ ۇلى اسىلبەك ريگادا ومىردەن وزعاندىعى تۋرالى حابارلاعان بولاتىنبىز.

  اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى